لداخ: سونم وانٛگچُک سٕنٛزِ قیادژ منٛز شہری ہلاکَتن ہُنٛد اَکھ ؤرۍ مُکمل سپدنس پٮ۪ٹھ 20 کِلومیٖٹرُک مارچ شُروٗع۔
24 ستمبر 2025 ہس منٛز سپٕدۍ ریاستی حیثیت تہٕ شیٚیِم شیڈول درجہٕ حٲصِل کرنہٕ کٮ۪ن مُطالبَن ہٕنٛدِس حقَس منٛز احتجاجَس دوران لداخَس منٛز مُبینہٕ گولہِ چلاونہٕ کِس معاملس منٛز ژور نفر مارٕ ۔ شہری موتَن ہٕنٛدِ سالانہٕ دۄہ کِس موقعَس پٮ۪ٹھ چھِ ماحولیٲتی تہٕ سمٲجی کارکُن سونم وانٛگچُک چھِ تہنٛدٮ۪ن مُطالبَن ہٕنٛدِس حمایتَس منٛز لیہَس منٛز 20 کِلومیٖٹر علامتی مارچ یا پَدیاترا ہٕنٛز قیادت کران۔ اَمہِ علاوٕ چھُ کرگِلَس منٛز تہِ اکھ مارچ شروع کرنہٕ آمُت۔
سونم وانٛگچُک سُنٛد مارچ گوٚو ازکہِ پٮ۪ٹھہٕ ‘کھارو’ علاقہٕ پٮ۪ٹھٕ شُروٗع، یَتھ منٛز ‘لیہہ ایپکس باڈی’ (ایل اے بی) ہٕکۍ نُمایندٕ تہِ شٲمِل چھِ ۔
وانگ چُک، یُس ‘لیہہ ایپیکس باڈی’ ہُک حصہٕ چھُ تہٕ کرگِل ڈیموکریٹک اتحادس سۭتۍ مرکٔزی حکوٗمتَس سۭتۍ کتھ باتھ منٛز آوُر چھُ، کٔر پوٗرٕ مُلکس منٛز لوٗکَن لداخ کِس حمایتَس منٛز کھڑا گژھنٕچ اپیل۔
یہِ چھُ قٲبلہِ ذِکِر زِ سونم وانگچُک تہٕ باقی لداخی رہنُما چھِ خطہٕ باپتھ ٲییٖنی حفاضتہٕ تہٕ خصوٗصی اختیاراتن ہٕنٛز منٛگ کران۔