جموں و کشمیر اسمبلی : عمر عبداللہ مُشکلاتن منٛز، این سی رُکُن تہٕ اتحادیَو کٔر ‘رِیاستی قراردادَس’ منٛز آرٹیکل 370 شٲمِل کرنٕچ منٛگ۔

حکمران نیشنل کانفرنس تہٕ امہِ چو اتحٲدۍ جماعژن ہٕنٛدٮ۪و ٲٹھو ارکانو چھِ وزیر اعلیٰ عمر عبداللہ سٕنٛدِس ریاستی حیثیت دِنہٕ کِس قراردادَس منٛز ترمیم پیش کٔرمٕژ۔ ترمیم منٛز چھُ آرٹیکل 370 تہٕ 35 اے ہٕچ بحالی ہُنٛد مُطالبہٕ کرنہٕ آمُت۔وزیر اعلیٰ سٕنٛزِ پننہِ پارٹی طرفہٕ یہِ تجویز دِنہٕ پتہٕ چھُ اَمہِ اقدام سۭتۍ حکومتی کیمپَس منٛز بَحَث پٲدٕ گٔمٕژ۔ عمر عبداللہ ہَس چھُ پننٮ۪ن سیٲسی مُخٲلِفَن ہٕنٛدِ س دباوَس منٛز  ووٚنمُت زِ سُہ دِیہِ آرٹیکل 370 مُطالبہٕ ترٲوِتھ تہٕ امہِ بدلہٕ جموں و کشمیرَس مُکمل ریاستُک درجہٕ دِنَس پٮ۪ٹھ توجہٕ۔ جُمعہ دۄہ کٔر وزیر اعلیٰ عمر عبداللہ ہَن اسمبلی منٛز اکھ قرارداد پیش یتھ منٛز خۄد مختٲری ہُنٛد حوالہٕ دِنہٕ آمُت تہٕ خطہٕ گژھِ پوٗرٕ ریاستُک درجہٕ بحال کرنُک مُطالبہٕ کرنہٕ آمُت اوس، یَتھ ایوانَس منٛز بی جے پی یَن سخٕت مُخٲلِفت کٔر۔