منوج سنہاہَن دِژ دیوالی کِس مُقدس تہوارَس پٮ۪ٹھ لوٗکَن مبارک باد۔

جموں و کشمیرٕک لیفٹیننٹ گورنر منوج سنہاہن چھُ دیوالی کِس مُقدس تہوار کِس موقعس پٮ۪ٹھ لوٗکَن مبارک باد دِژمٕژ۔
تٔمۍ کٔر دُعا زِ یِم تہوار چھِ لوٗکَن ہٕنٛزِ زِنٛدگی منٛز خۄشِی، خۄشحٲلی تہٕ خۄش قٕسمَت انان۔
دیوالی، یتھ دیپاولی تہِ ونان چھِ، چھُ ہندو متُک اکھ اَہَم تہٕ بوٚڑ تہوار۔ اَتھ چھِ گاشُک تہوار تہِ وننہٕ یِوان۔
یہِ تہوار چھُ ‘اندھیرَس پٮ۪ٹھ گاش’، ‘بدی پٮ۪ٹھ اصل’ تہٕ ‘جہالتَس پٮ۪ٹھ علم’ چہِ فتحٕچ نشاندٕہی کران۔
برٛسوارِ دۄہ ‘ایکس’ پٮ۪ٹھ أکِس پوسٹَس منٛز ووٚن لیفٹیننٹ گورنرَن زِ "بہٕ چھُس دیوالی کِس مُقدس تہوار کِس موقعَس پٮ۪ٹھ تمام لوٗکَن نیک خواہشات واتناوان۔”
تٔمۍ کٔر دُعا زِ یِم تہوار چھِ لوٗکَن ہٕنٛزِ زِنٛدگی منٛز خۄشِی، خۄشحٲلی تہٕ خۄش قٕسمَت انان۔