منوج سنہاہَن کوٚر سٲبقہٕ ؤزیٖر اعظم اٹل بہاری واجپایی یَس تہنٛدِس زایہِ دۄہَس پٮ۪ٹھ خراج تحسین پیش۔
جموں و کشمیرٕک لیفٹیننٹ گورنر منوج سنہاہن کوٚر بۄموارِ دۄہ سٲبقہٕ ؤزیٖر اعظم اٹل بہاری واجپایی یَس تہنٛدِس زایہِ دۄہَس پٮ۪ٹھ زبردست خراج تحسین پیش ۔ تٔمۍ ووٚن زِ اٹل جی ین کٔر پنٕنۍ زِندگی پسماندہ لوکن بااختیار بناونہٕ تہٕ یہِ یقینی بناونہٕ خٲطرٕ وقف زِ ترقی تہٕ حکمرٲنی ہُنٛد فٲیدٕ چھُ پرٛٮ۪تھ طبقس تام واتان۔
اٹل بہاری واجپائی اوس اکھ عظیم سیاست دان تہٕ شٲعر یُس بی جے پی یس سۭتۍ وابستہٕ اوس۔ تٔمۍ کٔر گۄڈٕ 1996 تھس منٛز 13 دۄہَن تام ملکٕک وزیر اعظم سنٛد پٲٹھۍ کٲم، پتہٕ 1998 پٮ۪ٹھ 1999 تام 13 رٮ۪تن تام، پتہٕ 1999 پٮ۪ٹھ 2004 تام پوٗرٕ وقتس تام۔ سُہ اوس گۄڈنیُک غٲر کانگریسی وزیر اعظم ییٚمہِ پوٗرٕ وقتس تام خٕدمات سرانجام دِژ۔
منوج سنہاہن کوٚر بۄدوارِ دۄہ مرحوٗم اٹل بہاری واجپایی یس تہنٛدِس زایہِ دۄہس پٮ۪ٹھ خراج تحسین پیش ۔ تٔمۍ ووٚن X پٮ۪ٹھ أکِس پوسٹَس منٛز، "بہٕ چھُس شری اٹل بہاری واجپائی جی یَس تٔمۍ سٕنٛدِس زایہِ دۄہَس پٮ۪ٹھ مُبارک باد دِوان تٔمۍ ووٚن: "اٹل جی ین گُزٲر پنٕنۍ زِندگی پسماندہ لوکن بااختیار بناونس منٛز تہٕ کتھ کرنس منٛز۔