29 جنوری پٮ۪ٹھٕ 5 فروری تام کشمیرَس منٛز خراب موسمٕچ پیشگویی۔

خۄشٕک موسمَس منٛز چھُ موسمیات محکمَن 29 جنوری شامَس پٮ۪ٹھ 5 فروری دُپہرَس تام وادی کشمیرَس منٛز شیٖنٕچ پیشین گوئی کٔرمٕژ۔
مُتعلقہٕ محکمہٕ کِس ترجُمانَن ووٚن زِ وادی ہُنٛد موسم روزِ 29 ؤری شامَس تام عام طور خۄشٕک روزنُک امکان۔
تٔمۍ ووٚن زِ 29 جنوری شامَس پٮ۪ٹھ ہٮ۪کہِ مغربی ہوا وادی منٛز اژِتھ۔
یِمو مغربی ہوہَن ہٕنٛدِ نٔتیٖجَس منٛز چھُ وادی منٛز 29 جنوری پٮ۪ٹھٕ 31 جنوری تام ہلکہٕ شیٖن یا روٗد پیٚنُک اِمکان۔
ترجُمانَن ووٚن زِ وادی منٛز چھُ یکم تہٕ 2 فروری اوٚبُر روزنُک اِمکان تہٕ کینٛہَن جایَن پٮ۪ٹھ ہلکہٕ شین یا روٗد پیٚنُک اِمکان یَتھ دوران کیٚنٛہن ہیٚرمٮ۪ن تہٕ درمِیٲنی علاقن منٛز درمیٲنی شیٖن یا روٗد پیٚیہِ۔
تٔمۍ ووٚن زِ 3 فروری روزِ موسم اوٚبُر تہٕ کیٚنٛہن جایَن پٮ۪ٹھ روزِ ہلکہٕ شیٖن یا روٗد پیٚنُک اِمکان۔
تٔمۍ ووٚن زِ 4 پٮ۪ٹھ 5 فروری تام چھُ کینٛہَن جایَن ہلکہٕ شیٖن یا روٗد پیٚنُک اِمکان۔