کٔشیٖرِ منٛز یِنہٕ والیٚن 24 گٲنٛٹن دوران ہلکہٕ شیٖن یا روٗد پیٚنُک اِمکان۔

ہِنٛدُستٲنہِ موسمیات محکمہٕ مُطٲبِق چُھ وادی کٔشیٖرِ منٛز یِنہٕ والیٚن 24 گٲنٛٹن دوران ہلکہٕ شیٖن یا روٗد پیٚنُک اِمکان۔ مُتعلقہٕ محکمہٕ کِس ترجُمانَن ووٚن زِ وادی منٛز ہیٚکہِ 30 تہٕ 31 جنؤری دۄہ عام یا جزوی طور اوٚبُر ٲسِتھ تہٕ اتھ وقتس دوران ہیٚکہِ کیٚنٛہن جایَن ہلکہٕ شیٖن یا روٗد پیٚنُک اِمکان۔ تٔمۍ ووٚن زِ وادی روزِ یکم فروری اوٚبُر تہٕ واریاہَن علاقَن منٛز روزِ ہلکہٕ شیٖن یا روٗد ییٚلہِ زَن پٮ۪ٹھمٮ۪ن علاقن منٛز تہِ درمیٲنی شیٖن پیٚنُک اِمکان۔ تٔمۍ ووٚن زِ وادی منٛز ہیٚکہِ 2 فروری دۄہ موسم اوٚبُر روزِتھ تہٕ اتھ وقتس دوران ہیٚکہِ کیٚنٛہن جایَن ہلکہٕ شیٖن یا روٗد پیٚتھ۔ ترجُمانَن ووٚن زِ وادی منٛز 3 جنوری شامَس پٮ۪ٹھ 4 جنوری صُبحَس تام چھُ وادی منٛز کینٛہَن جایَن ہلکہٕ شیٖن یا روٗد پیٚنُک اِمکان۔ تٔمۍ ووٚن زِ 5 فروری صُبحٲے یا دُپہرٕ پتہٕ ہیٚکہِ وادی منٛز شیٖن یا روٗد پیٚتھ۔