اسلامِک یوٗنیورسٹی تہٕ اسلامیہ کالج آف سائنس اینڈ کامرسُک امتحان از ملتوی۔

اسلامک یونیورسٹی آف سائنس اینڈ ٹیکنالوجی کشمیر (آئی آئی ایس ٹی) تہٕ اسلامیہ کالج آف سائنس اینڈ کامرسَن چھِ وادی کشمیرَس منٛز بٔڑِس پیمانَس پٮ۪ٹھ شین پینہٕ کِنۍ جُمعہ دۄہ گژھَن وٲلۍ امتحان ملتوی کٔرمٕتۍ۔ وۄنٛہِ گوٚو، أزِکۍ امتحان یِن کشمیر یوٗنیورسٹی تہٕ جموں و کشمیر بورڈ آف سکول ایجوکیشنَن طے شُدٕ مُطٲبِق منعقد کٔرِتھ۔
اسلامک یونیورسٹی آف سائنس اینڈ ٹیکنالوجی کِس کنٹرولر آف ایگزامینیشن کہِ طرفہٕ جٲری کرنہٕ آمتِس أکِس نوٹیفکیشن منٛز چھُ ونٛنہٕ آمُت زِ "تمام متعلقَن چھُ اطلاع دِنہٕ یِوان زِ 28 فروری 2025 گژھَن وٲلۍ گۄڈٕنِکۍ سمسٹر امتحان چھِ ملتوی کرنہٕ یِوان۔” نوٹیفکیشن منٛز چھُ ونٛنہٕ آمُت زِ امتحانَن ہٕنٛدۍ نَیہِ تٲریخَن ہُنٛد اعلان یِیہِ پتہٕ کرنہٕ۔ اسلامیہ کالج آف سائنس اینڈ کامرس کہِ طرفہٕ جٲری کرنہٕ آمتِس أکِس نوٹیفکیشن منٛز چھُ ونٛنہٕ آمُت زِ "آز یعنی 28 فروری 2025 گژھن وٲلۍ امتحان چھِ ملتوی کرنہٕ آمٕتۍ۔” دوٚیمہِ طرفہٕ چھُ کشمیر یوٗنیورسٹی تہٕ بورڈ حکامَو طے شُدٕ مُطٲبِق 28 فروری ہُنٛد امتحان دِنُک فٲصلہٕ کوٚرمُت۔