کٔشیٖرِ منٛز 27 مارٕچ شام تام شیٖن پیٚنُک اِمکان۔

موسمیات محکمَن چھُ پیشین گوئی کٔرمٕژ زِ وادی کشمیرَس منٛز روزِ 27 مارٕچ شامَس تام شیٖن، مگر شب قدر تہٕ عید الفطر کِس موقعَس پٮ۪ٹھ روزِ موسم خۄشٕک تہٕ خوشگوار روزنُک امکان۔

محکمَن چھُ پنِنِس مشورَس منٛز زٔمیٖن دارَن ووٚنمُت زِ تِم کرَن 26 تہٕ 27 مارٕچ پننٮ۪ن کھہَن تہٕ باغَن منٛز کٲم مُعطل۔

مُتعلقہٕ محکمہٕ کِس ترجُمانَن ووٚن زِ وادی منٛز چھُ 26 تہٕ 27 مارٕچ بیٚیہِ اکہِ لٹہِ شیٖن پیٚنُک امکان، یُس 26 مارٕچ دُپہرَس پٮ۪ٹھ شامَس تام تہٕ 27 مارٕچ دُپہرَس پٮ۪ٹھ شامَس تام جٲری روزِتھ ہٮ۪کہِ۔