کٹھوعہ مُقابلہٕ: 2 پولیس اہلکار زخمی، فائرنگ ہُنٛد تبودلہٕ جٲری۔

جموں و کشمیر کِس کٹھوعہ ضلعہٕ کِس گھاٹیجوہانا جنگلی علاقَس منٛز سیکورٹی فورسَن تہٕ دہشت گردَن درمِیان جٲری مُقابلَس منٛز گٔیہِ زٕ پولیس اہلکار زخمی۔
ذٔرایعو مُطٲبِق چھِ ہیلی کاپٹر، کواڈ کاپٹر تہٕ ڈرون کیمرا دہشت گردَن مارنہٕ خٲطرٕ خٕدمَتس منٛز دباونہٕ آمٕتہِ ۔
برٛسوارِ دۄہ صُبحٲے گٔیہِ کٹھوعہ کِس جنٛگلی علاقَس منٛز جٲری تلاشی کاروٲیی دوران دہشت گردن تہٕ فوجس درمِیان اچانک گولہِ چلاونہٕ۔ ییٚلہِ فوج مشتبہ جایہِ نزدیٖک آیہِ، تَتہِ موجود دہشت گردَو کٔر گولہِ چلٲوِتھ، ییٚمہِ پتہٕ علاقہٕ پوٗرٕ پٲٹھہِ سیل کرنہٕ آو ۔ ذٔرایعو مُطٲبِق گٔیہِ گۄڈٕنِچہِ گولہِ بٲری منٛز زٕ پولیس اہلکار زخمی، یِم جلدٕیہ نزدیٖکی ہسپتالَس منٛز نِنہٕ آیہِ۔
دِفٲعی ذٔرایعو مُطٲبِق آیہِ آتھٕوارِ دۄہ شامَس ہیرا نگر کِس سانیال گامَس منٛز گولہِ چلاونہٕ پتہٕ فرار گژھَن وٲلۍ دہشت گردَن ہُنٛد اکھ گروپ ہیرا نگر پٮ۪ٹھٕ 30 کلوٗمیٹر دوٗر گھاٹی جوتھانا کِس جنگلی علاقَس منٛز وُچھنہٕ، ییٚمہِ پتہٕ سیکورٹی فورسَو علاقَس منٛز سخت نظر تھٲومٕژ۔