پونچھس منٛز ایٚل او سی یَس پٮ۪ٹھ سٮ۪ٹھاہ گولہٕ بٲری، ہِنٛدُستٲنۍ فوجُک پٲکِستانس جواب۔

بۄموارِ تہٕ بۄدوارِ دۄہ درمیٲنی رٲژ گٔیہِ جموں و کشمیر کِس پوٗنٛچھ ضِلعہٕ کِس تَٹاپانی سیٚکٹرس منٛز ہِنٛدُستان-پاکِستان فوجس درمِیان سیٚٹھا گولہٕ بٲری تہٕ فائرنگ ییٚمہِ سۭتہِ سرحدی علاقن منٛز خوف و ہراس پٲدٕ گوٚو۔ ہِنٛدُستٲنہِ فوجن دِیُوت پٲکِستان کہِ طرفہٕ بےٚ اشتعال گولہٕ بٲری ہُنٛد مؤثر طریقہٕ سۭتہِ تہٕ مُنٲسِب جواب۔ واقعہٕ پتہٕ چھُ سرحدی علاقَن منٛز ہائی الرٹ جٲری کرنہٕ آمُت۔
فوجی ذرایعو مُطٲبِق کٔر پٲکِستٲنہِ فوجن اچانک تَٹاپانی سیٚکٹرس منٛز جنگ بٔنٛدی ہِنٛدِس محادٕچ خٕلاف ورزی تہٕ کٔرٕن سیٚٹھا گولہِ چلاوٕنہِ شُروٗع۔ ہِنٛدُستٲنہِ فوجن کوٚر پوٗرٕ جوشہٕ سۭتہِ جوابی کارروائی تہٕ کوٚرُکھ دُشمن ہِنٛدیٚن محاذن نشانہٕ۔
ذٔرایعو ووٚن زِ دۄشوٕنی طرفو ہٕنٛدِ طرفہٕ گولہٕ بٲری روٗز ژیٖرِ رٲژ تام جٲری، ہِنٛدُستٲنہِ فوجن کٔر نہٕ صِرِف دُشمن ہُنٛد حملہٕ رُکٲوِتھ بلکہِ أمۍ سٕنٛدیٚن اَہَم اڈن تہِ نشانہٕ علاقٕکۍ مقٲمی بسکیٖن دَرن ووٚن زِ نٮ۪صف رٲژ آیہِ زورٕ دھماکہٕ بوزنہٕ، ییٚمہِ سۭتۍ لوٗکھ پننٮ۪ن گَرَن پٮ۪ٹھ خوفزدہ گٔیہِ۔