اوڑی منٛز دراندٲزی ہٕنٛز کوٗشِش ناکام، 2 ملی ٹنٹ ہلاک، آپریشن چھُ جٲری۔

جموں و کشمیر کِس سرحدی ضلعہٕ بارہمولہ کِس اڑی سیکٹرَس منٛز دراندازی ہٕنٛز اکھ بٔڑ کوششہِ منٛز سیکورٹی فورسَو دٔسۍ زٕ ملی ٹنٹ ہلاک گٔمٕتۍ۔
X مُتعلِق زانٛکٲری دِوان ووٚن أکۍ دِفٲعی ترجمانَن زِ اُڑی سیٚکٹرَس منٛز سُرجیون نالہِ نزدیٖک مشکوک نقل و حرکتہٕ پتہٕ کوٚر فوجن دراندازَن چیلنج یَتھ دوران شٔدیٖد فائرنگ شُروٗع گٔیہِ۔
تٔمۍ ووٚن زِ کینٛہَس کالَس تام جٲری مُقابلَس منٛز گٔیہِ زٕ ملی ٹنٹ مارنہٕ، یِمَن ہٕنٛز شناخت تہٕ تنظیمی وابستگی ہٕنٛز چھان بین چھِ آمٕژ کرنہٕ۔
ترجمانَس مُطٲبِق چھُ مارنہٕ آمٕتہِ ملی ٹنٹن ہٕنٛدِ قبضہٕ پٮ۪ٹھٕ ہتھیار تہٕ گولہٕ باروٗد تہٕ مجرمُک سامان برآمد کرنہٕ آمُت۔ علاقَس منٛز چھِ وُنہِ تہِ آپریشن جٲری۔
یہِ واقعہٕ چھُ تَمہِ وِزِ سپُدمُت ییٚلہِ پہلگام حملہٕ پتہٕ وادی ہائی الرٹَس پٮ۪ٹھ چھِ تہٕ سیکیورٹی ایجنسیہِ چھِ کُنہِ تہِ مشکوک حرکتَس پٮ۪ٹھ پوٗرٕ نظر تھاوان۔
سرکٲرِ ذرایعو مُطٲبِق چھِ مارنہٕ آمتین ملی ٹنٹن ہِنٛز شناخت تہٕ تِہنٛدِ تنظیمی رٲبطٕچ تصدیق یِوان کرنہٕ۔ یہ کوشش چِھ أکس دراندازٕ کرنْچ