پہلگام حملہٕ: وزیر اعلیٰ عمر عبداللہ کٔر مقٲمی نوجوان سٕنٛدِس جنازس منٛز شرکت۔

جموں و کشمیرُک وزیر اعلیٰ عمر عبداللہ اوس پہلگام ملی ٹنٹ حملَس منٛز ہلاک گژھَن وٲلِس مقٲمی نوجوان سید عادل حسین شاہ سٕنٛدِس جنازَس منٛز شٲمِل۔

پتہ چھُ یِوان زِ وزیر اعلیٰ کوٚر جنوٗبی کشمیر کِس اننت ناگ ضلعہٕ کِس ہاپٹنار علاقس منٛز مرن والٮ۪ن ہٕنٛدِس عیالَس سۭتۍ مُلاقات تہٕ دِیُتُن تِمَن پرٛٮ۪تھ مُمکنہٕ مددُک یقین دِوان۔

عمر عبداللہَن ووٚن اَتھ موقعَس پٮ۪ٹھ نامہ نگارَن زِ "شایَد مارنہٕ آمٕتہِ نوجوانَو کٔر ملی ٹنٹن رُکاونٕچ کوٗشِش، یا یِمو منٛزٕ أکِس سٕنٛز بندوق ژٹنٕچ کوٗشِش، لہاذا بَنیٛوو سُہ تِہُنٛد نشانہٕ”۔