پہلگام سانحہٕ پتہٕ دوٚیمہِ دۅہہٕ تہِ چھُ جموں و کشمیرَس منٛز احتجاج جٲری۔

پہلگام سانحہٕ کِس معاملس پٮ۪ٹھ آز سٲرِسٕے کٔشیٖرِ منٛز لگاتار دوٚیمہِ دۄہ احتجاج تہٕ مُظٲہرٕ جٲری، یَتھ منٛز سول سوسایٹی ہٕنٛدۍ واریٛاہ تعدادَس منٛز لوٗکَو بشمول طالبہِ علِم شٲمِل ٲسۍ بٔڑِس تعدادَس منٛز حصہٕ نِوان تہٕ ملی ٹنسی نِش نیرنٕچ منٛگ کٔرمٕژ۔ رِیاستس سۭتہِ یکجہتی ہُنٛد اِظہار کٔرِتھ ووٚن تٔمۍ زِ اسہِ سارِنٕے چھِ قوم دشمن عناصرن خٕلاف اِکہٕ وٹہٕ یِنٕچ ضٔروٗرت تاکہِ رِیاستَس منٛز گژھِ امن قٲیِم۔
اتھ سلسلس منٛز کٔر مُظٲہِرین تٲریٖخی لال چوکس سۭتۍ سۭتۍ سیاحتی مقاماتَن گلمرگ، پہلگام تہٕ سونامرگَس منٛز امن مارچ تہِ تہٕ کوٚرُکھ اتھَن منٛز موم بتی رٔٹِتھ پنُن دۄکھُک اِظہار۔ پٔتِمٮ۪ن 31 ؤرۍ یَن منٛز گۄڈٕنِچہِ لَٹہِ گوٚو جموں و کشمیرَس منٛز ملی ٹنسی خٕلاف یوٗتاہ بٔڑِس پیمانَس پٮ۪ٹھ احتجاج تہٕ یہِ چھُ اَمہِ کَتھِ ہُنٛد عکاس زِ کٔشیٖرِ ہٕنٛدۍ لوک چھِ تنہائی ، ملی ٹنسی تہٕ تشددَس سۭتۍ ناخۄش۔ اَمی مۄکھٕ چھِ تِم قوم دشمن عناصرن خٕلاف شرارتُک اِظہار کران۔