پہلگام حملہٕ: جنوٗبی کٔشیٖرِ منٛز لشکر طیبہ کٮ۪ن دۄن مقٲمی ملی ٹنٹن ہٕنٛدۍ گَرٕ تباہ۔

سرکٲرۍ ذٔرایعن تہٕ مقٲمی باشندَن ووٚن زِ جنوبی کشمیر کِس ترال تہٕ بجبیہارا علاقَن منٛز آیہِ لشکر طیبہ کٮ۪ن دۄنملی ٹنٹن ہٕنٛدۍ رہائشی مکانات مسمار کرنہٕ، یِم پہلگام حملَس منٛز شٲمِل چھِ۔ تِمَو ووٚن زِ ترال پلوامہ کِس مونگھما علاقُک آصف شیخ تہٕ اننت ناگُک عادل حسین تھوکر سٕنٛدۍ گَرٕ آیہِ برٛسوارِ دۄہ تہٕ جُمعہ دۄہ درمیٲنی رٲژ مسمار کرنہٕ۔
وۄنٛہِ گوٚو، أکِس بٔڑِس پُلیٖس اَفسرَن ووٚن زِ ترالس منٛز گوٚو أکِس مکانَس کینٛہہ دھماکہٕ خیز مواد آسنہٕ کِنہِ سٮ۪ٹھاہ نۄقصان ۔ تٔمۍ ووٚن زِ ترالَس منٛز وُچھ سیکورٹی فورسَن تلاشی دوران کینٛہہ مشکوک چیز۔ تٔمۍ ووٚن زِ "سیکورٹی فورسَن کوٚر خطرٕ محسوٗس تہٕ جلدٕے گوٚو حفاظتَس کُن، مگر اتھ دوران گوٚو اکھ طاقتور دھماکہٕ ییٚمہِ سۭتۍ مکانَس سٮ۪ٹھاہ نۄقصان گوٚو، یہِ چھُ باسان زِ گَرَس منٛز اوس اکھ مشتبہ دھماکہٕ”۔