شری امرناتھ یاترا: 5000 کھۄتہٕ زِیٛادٕ زائرینن ہُنٛد دوٚیُم قافلہ چھُ جموں بیس کیمپٕ پٮ۪ٹھٕ روانہٕ گوٚمُت

شری امرناتھ جی یاترا خٲطرٕ 5000 کھۄتہٕ زِیٛادٕ زائرینن ہُنٛد دوٚیُم قافلہ گوٚو برٛسوارِ دۄہ صُبحٲے سخت سیکیورٹی منٛز کشمیرس کُن روانہٕ ۔ حکامَو ووٚن زِ 5,246 زائرینن ہُنٛد دوٚیُم قافلہ گوٚو برٛسوارِ دۄہ صُبحٲے بھگوتی نگر بیس کیمپٕ پٮ۪ٹھٕ ‘بم بم بولے’ کٮ۪ن نعرَن درمیان روانہٕ۔ تِمَو ووٚن زِ یہِ قافلہٕ دراو 268 لۄکٹٮ۪ن تہٕ بٔڑٮ۪ن گاڑٮ۪ن منٛز بالتال تہٕ نُنوان پہلگام بیس کیمپَس کُن۔