ٹیگور ہال سرینگرس منٛز منعقدہٕ حضرت شیخ العالم رحمۃ اللہ علیہ سٕنٛدٮ۪ن شعرن پیٹھ مبنی ترجمہ کتاب ”سہزندندُک”اجرا۔ ڈاکٹر غضنفرعلی تہٕ عنایت گُل سٕنزِ علمی کامٮ۪ن آیہ ادبی حلقو طرفہٕ سٮ۪ٹھاہ تعریف۔
جموں و کشمیر اکیڈمی آف آرٹ، کلچر اینڈ لینگویجز کِس زیراہتمام مرکز ادب و سقافت چرار شریفس کِس اشتعراقس منز آو از ٹیگور ہال، سری نگرس منز اکھ عظیم الشان ادبی تقریب منعقد کرنہٕ۔ تقریبس دوران آیہِ وادی ہٕنٛدٮ۪ن مشہوٗر محققین تہٕ ترجمہ کارن ڈاکٹر غضنفر علی تہٕ عنایت گُل سٕنٛزِ مشترکہٕ کوٗشِشن سۭتۍ مرتب کرنہٕ آمٕژ انگریزی ترجمٕچ کتاب ‘سہزانند’ لانچ کرنہٕ۔ یہِ کتاب چھے حضرت شیخ العالم رحمۂ اللہ علیہ سٕندِس منتخب شعرن ہُند ترجمہٕ یتھ منز تِہٕندِس روحٲنی خیالات، انسٲنی برابری، اخلٲقی پاکیزگی تہٕ صوفی فلسفہٕ سٮ۪ٹھاہ سادٕ تہٕ جامع اندازس منز پیش کرنہٕ آمٕتۍ چھِ۔ کشمیر پریس سروسَس نِش مِلنہٕ آمٕژ تفصیلہٕ مُطٲبِق کٔر تقریٖبٕچ صدارت ممتاز سکالر پروفیسر شفیع شوقَن ییٚلہِ زَن مٲہِر تعلیم پروفیسر محمد زمان آزاردا اوس تقریبہِ ہٕنٛدِ مہمان خصوصی پٲٹھۍ موجود۔ تاریخُک مشہوٗر پروفیسر فاروق فیاض، سٲبِق ایڈیشنل ڈائریکٹر جنرل ڈی ڈی ڈاکٹر رفیق مسعودی تہٕ کٲشرِ شعبٕکۍ ارکان تہِ ٲسۍ موجود