جموں و کشمیرَس منٛز یِیہِ ملی ٹںٹ متٲثرینن انصاف فراہم کرنہٕ: منوج سنہا

جموں و کشمیرٕکۍ لیفٹیننٹ گورنر منوج سنہاہَن ووٚن بۄدوارِ دۄہ زِ تٔمۍ سُنٛد انتظامیہ چھُ ملی ٹنسی ہٕنٛدٮ۪ن واقعاتن ہٕنٛدِ متٲثرین خٲطرٕ مقدمہٕ درٕج کرنہٕ تہٕ تمام مُتٲثِر افرادَن انصاف فراہم کرنہٕ باپتھ پرعزم ۔ سنہاہَن ووٚن یہِ کپواڑہ ضِلعہٕ کِس دردپورہ گامُک دورٕ کرنہٕ پتہٕ صحافیَن سۭتۍ کتھ باتھ کٔرِتھ۔ تٔمۍ ووٚن ‘اسہِ چھِ پٔتِمٮ۪و ترٛیٚیہِ پٮ۪ٹھ ژورَن رٮ۪تَن منٛز اکھ مُہِم شُروٗع کٔرمٕژ۔ أسۍ کٔرِو یہِ یٔقیٖنی زِ دہشت گردی ہٕنٛدِ تمام متٲثرین مِلٮ۪و انصاف مِلنہٕ۔’ لیفٹیننٹ گورنرَن دِژ اطلاع زِ دہشت گردَن سۭتۍ مُتٲثِر 250 کھۄتہٕ زِیٛادٕ نفرَن چھِ گۄڈَے جموں و کشمیرَس منٛز روزگار فراہم کرنہٕ آمُت۔ تٔمۍ ووٚن بیٚیہِ زِ ‘باقٕے معاملہٕ تہِ چھِ زیر کارروائی۔ اِنتِخابس پتہٕ یِن تِمن نوکری تہِ فراہم کرنہٕ۔’پتہٕ ووٚن سنہاہَن سوشل نیٹ ورکنگ سایٹہِ پٮ۪ٹھ یہِ تہِ زِ انتظامیہ کَرِ ملی ٹنسی ہٕنٛدِ تمام متٲثرین تِہٕنٛزِ زِنٛدگی دُبارٕ بناونہٕ خٲطرٕ پوٗرٕ مدد۔