کٔشیٖرِ منٛز شیٖن تہٕ روٗد سۭتۍ نوِ ؤرۍ یُک استقبال گژھنکُ امکان

محکمہ موسمیات چہِ پیشن گویی مُطٲبق چھُ اِمکان زِ وادی کشمیرس منٛز یِیہِ نوِ ؤرۍ یُک استقبال شیٖن تہٕ روٗد سۭتۍ کرنہٕ۔محکمٕکۍ ترجمانَن ووٚن زِ 26 پٮ۪ٹھٕ 29 دسمبر تام چھُ وادی منٛز موسم کُنہِ حدس تام اوٚبُر مگر واریاہَس حدس تام خۄشٕک آسنُک امکان۔تِمَو ووٚن زِ 30 دسمبر روزِ موسم عام طور اوٚبُر تہٕ کینٛہَن علاقَن منٛز ہلکہٕ روٗد یا شیٖن پیٚنُک اِمکان۔تِمَو مُطٲبِق ہیکہِ 31 دسمبر تہٕ 1 جنوری وادی ہُنٛد موسم عام طور اوٚبُر ٲسِتھ تہٕ واریاہَن علاقَن منٛز ہلکہٕ روٗد یا شیٖن پیٚتھ، ییٚلہِ زَن شُمٲلی تہٕ وسطی کشمیر کٮ۪ن کینژن بالٲئی تہٕ وسطی علاقَن منٛز چھُ معموٗلی شیٖن پیٚنہٕ ممکن۔وننہٕ آمٕتۍ ترجمانَن ووٚن زِ 2 جنوری ہیکہِ موسم کُنہِ حدس تام اوٚبُر روزِتھ یتھ دوران کینژن پیٹھمین علاقن منٛز ہلکہٕ شیٖن پیٚیہِ۔تِمَو ووٚن زِ اَمہِ پتہٕ ہیکہِ 3 پٮ۪ٹھٕ 6 جنوری تام موسم کُنہِ حدس تام اوٚبُر روٗزِتھ۔پننِس ایڈوائزری منٛز دِیُت محکمَن مسافرَن تہٕ ٹرانسپورٹرَن ٹریفک تہٕ انتظامَس مُتعلِق خبردار ۔