ڈاکٹر فاروق عبداللہ تہٕ عمر عبداللہ سٕنٛدِ طرفہٕ آیہ اجمیر شریفس منٛز اکھ ژادر پیش کرنہٕ

ہندوستان کِس سُلطان حضرت خواجہ معین الدین چشتی (رضی اللہ عن) سٕنٛدِ 814 ہِم سالانہٕ عُرس کِس موقعس پیٹھ آو جموں و کشمیر نیشنل کانفرنسٕکۍ صدر ڈاکٹر فاروق عبداللہ تہٕ نٲیِب صدر تہٕ وزیر اعلیٰ عمر عبداللہ سٕنٛدِ طرفہٕ اجمیر شریفس منٛز اکھ بابرکت چادر پیش کرنہٕ۔ یہِ اعزاز آو پارٹی طرفہٕ راجیہ سبھا ہٕنٛدِ رُکُن تہٕ پارٹی ہٕنٛدِ خزانچی شامی اوبیروئی، تہٕ نیشنل کانفرنسٕک نٲیِب صدر تہٕ ایم ایل اے لالچوک احسان پردیسی طرفہٕ دِنہٕ۔اَتھ موقعس پیٹھ اوس سجادہ نشین الحاج سید فخرُل معین تہِ موجود۔ وفدَن کٔر اسلٲمی دنیاہٕچ خۄشحٲلی، اُمتٕچ فلاح و بہبود، جموں و کشمیرَس منٛز امن تہٕ ہم آہنگی، اخوت تہٕ لوٗکَن ہٕنٛز فلاح و ترقی خٲطرٕ مُقدس مقامس پٮ۪ٹھ خصوصی دُعا۔اَمہِ موقعس پیٹھ تقریر کٔرِتھ وون احسان پردیسی زِ حضرت خواجہ معین الدین چشتی علیہ السلامن ہٕنز تعلیمہٕ چھِ محبت، رحم دلی تہٕ اتحادُک ذریعہ، تہٕ چھِ سارِنٕے انسانیتَن ہٕندِ خٲطرٕ رہنُمٲیی کرنٕچ کٲم کران۔ تٔمۍ ووٚن ووٚن زِ أزِکِس دورَس منٛز چھِ تمام برادرین درمیان ہم آہنگی، امن تہٕ افہام و تفہیم فروغ دِنٕچ ضرورت۔