نیوزی لینڈٕ پٮ۪ٹھٕ سیبٕچ درآمد: نیشنل کانفرنسَن کٔر کٔشیٖرِ صنعتَس نۄقصان نِش بچاونٕچ اپیل

نیشنل کانفرنسَن کٔر حکوٗمت ہندَس اپیل زِ سُہ کٔرِن نیوزی لینڈَس سۭتۍ نَیہِ تِجارتی معاہدَس تحت سیبٕل درآمد کرنہٕ کِس فٲصلَس پٮ۪ٹھ فوری جٲیزٕ، تاکہِ کٔشیٖرِ ہٕنٛز ژوٗنٛٹھٕچ صنعتَس مُمکنہٕ نۄقصانَو نِش بچاونہٕ یِیہِ۔ پارٹی ترجمان عمران نبی ڈارَن ووٚن میڈیا نُمایندَن سۭتۍ کتھ باتھ زِ برٛونٛہہ کالہِ چھُ غٲر مُلکی سیبَن ہٕنٛدِ بٔڑِس پیمانَس پٮ۪ٹھ درآمد کرنہٕ سۭتۍ کٔشیٖرِ ہٕنٛدِس سیبَن ہٕنٛدِس بازرَس سٮ۪ٹھاہ مُتٲثِر گوٚمُت۔ لہذا، بیرونی سیبَن پیٹھ گژھہِ معقول ٹیکس لگاونہٕ تہٕ کُنہِ قٕسمٕچ ٹیکسٕچ چھوٹ دِنہٕ نہٕ ضروری۔ تٔمۍ ووٚن زِ کٲشِرۍ ژوٗب چھِ نہٕ صِرِف مَزٕ منٛز منفرد بلکہِ واریاہ غذٲییت تہِ چھِ، یُس نہٕ کانٛہہ تہِ غٲر مُلکی ژوٗب ہیکہِ ہِنٛدِ برابر کٔرِتھ۔ ترجمانَن کوٚر افسوسُک اظہار زِ موجودٕ موسمَس دوران خراب موسم، قومی شاہراہَن واریاہَس کالَس تام بنٛد روزنہٕ تہٕ وادی منٛز سٔہلاب کہِ حالتہٕ کِنۍ چھُ ژوٗنٛٹھۍ صنعتَس تقریباً زٕ ساس کرور رۄپیہِ ہُنٛد سٮ۪ٹھاہ نۄقصان ووتمُت۔ عمران نبی ڈار چھہ ونان زِ کشیرِ ہنز اکھ بٔڈ آبادی چھیہ سیدِ سیود اتھ پیٹھ دارمدار۔