شوپیان پولیسَن کوٚر اکھ دھوکہ باز گِرِفتار یٔمِس پیٹھ حراستَس منٛز رَہٲیی ہُنٛد اپُز وعدٕ کٔرِتھ 540,000 رۄپین ہند دھوکہٕ دِنُک الزام چھُ۔

شوپیان پولیسَن کوٚر جعلسازی ہُنٛد اَکہِ معاملہٕ بے نقاب یَتھ منٛز أکِس شخٕصَن سرکٲرِ مُلٲزِم بنِتھ تہٕ أکِس شہریَس دھوکھہٕ دِیُت پننِس بٲے سٕنٛزِ رِہٲیی ہُنٛد اپُز وعدٕ کٔرِتھ، تہٕ اِتھ کٔنۍ کوٚرُن واریٛاہ رقم جَبٕرٕ ۔ پولیسَن چھُ شَکاوَر شَکاوَر گِرِفتار کوٚرمُت تہٕ أمِس نِش چھُ نقدی برآمد کٔرمٕژ۔ پُلسہٕ مُطٲبِق کٔر 4 جنوری ہماہونا زین پورہ ہٕکۍ روزَن وٲلہِ آصف احمد پارہَن واٹس ایپ ذٔریعہٕ شِکایت درٕج یَتھ منٛز وَننہٕ آمُت زِ منڈورا ٹرالٕکۍ روزَن وٲلہِ سجاد احمد بٹَن اوس پنُن پان اکھ بااثر سرکٲرِ اہلکار پٲٹھۍ پیش کوٚرمُت تہٕ پننِس بٲے سٕنٛز پولیس حراستَس منٛز رَہٲیی حٲصِل کرنٕچ یقین دہانی پٮ۪ٹھ چھُ دھوکہ دہی سان 540,000 رۄپیہِ جمع کٔرمٕتۍ۔ شِکایت کَرن وٲلہِ سُنٛد بوے عمر مقبول اوسُکھ این ڈی پی ایس ایکٹ کِس دفعہٕ 8/20 تحت ایف آئی آر نمبر 108/2025 تحت زین پورہ پُلسہٕ تھانس منٛز قونوٗنی طور گِرِفتار کوٚرمُت۔ اَمہِ صورتحالُک فٲیدٕ تُلِتھ کوٚر مشكوُكن اپُز داعوا زِ سُہ ہیٚکہِ پنٛنہِ اثر و رسوخہٕ سٕتہِ رِہٲیی ہُنٛد انتظام کٔرِتھ۔