کٔشیٖرِ منٛز چھُ سخٕت ونٛدٕ جٲری۔ گُلمرگہ منٛز گوٚو درجہٕ حرارت 8.8 ڈگری سیلسیس تام کم.

وادی کٔشیٖرِ منٛز چُھ تیز سردی جٲری، مشہوٗر سیاحتی مقام گُلمرگَس منٛز چھُ رٲژ ہُنٛد درجہ حرارت منفی 8.8 ڈگری سیلسیس ریکارڈ کرنہٕ آمُت، یُس موجودٕ موسمٕچ سارِوٕے کھۄتہٕ سرد رٲژ چھُ۔کشمیر موسمہٕ مُطٲبِق آو رٮ۪تہٕ کالہِ دارالحکوٗمت سری نگرَس منٛز کم از کم درجہٕ حرارت منفی 3.6 ڈگری سیلسیس ریکارڈ کرنہٕ، ییٚلہِ زَن 28 نومبر رٲژ ہُنٛد درجہٕ حرارت منفی 4.5 ڈگری سیلسیس تام کم گوٚمُت، یُس وُنیُک تام موسمٕچ سارِوٕے کھۄتہٕ سرد رٲژ ٲس۔وادی ہٕنٛدِس بیٚیِس مشہوٗر سیاحتی مقام، پہلگامَس منٛز آو کم از کم درجہ حرارت منفی 4.8 ڈگری سیلسیس ریکارڈ کرنہٕ۔سرحدی ضِلعہٕ کُپواڑہَس منٛز اوس کم از کم درجہٕ حرارت منفی 1.8 ڈگری سیلسیس، ییٚلہِ زَن قاضی گُنٛڈ شَہرَس یَتھ گیٹ وے آف کشمیر ونان چھِ، رٲژ ہُنٛد درجہٕ حرارت منفی 2.0 ڈگری سیلسیس ریکارڈ کرنہٕ آمُت۔جٔنوٗبی کٔشیٖرِ ضِلعہٕ شوپیانَس منٛز اوس رٲژ ہُنٛد درجہٕ حرارت منفی 5.6 ڈگری سیلسیس، ییٚلہِ زَن اننت ناگ تہٕ پلوامہ ضِلعن منٛز اوس کم از کم درجہٕ حرارت بِلترتیب منفی 3.2 ڈگری سیلسیس تہٕ منفی 4.2 ڈگری سیلسیس ریکارڈ کرنہٕ آمُت۔