کٔشیٖرِ منٛز ونٛدٕچ لہر تیز، سونمرگ سارِوٕے کھۄتہٕ سرد علاقہٕ درٕج۔

وادی کشیرِ منز گٔیہِ وندٕچ لہر تیز تکیازِ راتس منز درجہٕ حرارت آو بییہ اکہِ لٹہِ کم۔
کشمیر موسمہٕ مُطٲبِق آو رٮ۪تہٕ کالہِ دارالحکوٗمت سرینگرَس منٛز راتُک درجہٕ حرارت منفی 4.9 ڈگری سیلسیس ریکارڈ کرنہٕ، ییٚلہِ زن پٔتمہِ رٲژ منفی 2.4 ڈگری سیلسیس ریکارڈ کرنہٕ آو۔
وادی ہٕنٛدٮ۪ن مشہوٗر سیاحتی مُقامَن، گُلمرگ تہٕ پہلگامَس منٛز آو راتُک درجہٕ حرارت بِلترتیب منفی 3.5 ڈگری سیلسیس تہٕ منفی 6.2 ڈگری سیلسیس ریکارڈ کرنہٕ۔
مرکٔزی کٔشیٖرِ ہُنٛد بیٛاکھ مشہوٗر سیاحتی مُقام، سونمار رگ روٗد وادی ہُنٛد سارِوٕے کھۄتہٕ سرد خطہٕ، ییٚتہِ راتُک درجہٕ حرارت منفی 7.0 ڈگری سیلسیس ریکارڈ آو کرنہٕ۔
سرحدی ضِلعہٕ کُپواڑہَس منٛز اوس کم از کم درجہٕ حرارت منفی 5.8 ڈگری سیلسیس، ییٚلہِ زَن قاضی گُنٛڈ شَہرَس یَتھ گیٹ وے آف کشمیر ونان چھِ، راتُک درجہٕ حرارت آو منفی 5.0 ڈگری سیلسیس ریکارڈ کرنہٕ۔
جٔنوٗبی کٔشیٖرِ ہِنٛدین ضِلعن اننت ناگ، پلوامہ تہٕ شوپیَس منٛز آو راتس درجہٕ حرارت بِلترتیب منفی 6.1 ڈگری سیلسیس، منفی 6.6 ڈگری سیلسیس تہٕ منفی 6.3 ڈگری سیلسیس ریکارڈ کرنہٕ۔