اننت ناگ پولیسن کٔرۍ مُتٲثِرَس جعلی این ڈی پی ایس کیسٕچ دھمکی دِنہٕ باپتھ 2 نفرگرِفتار.

اننت ناگ پولیسَن چھِ زٕ نَفر این ڈی پی ایس کیسَس منٛز اپز شٲمِل کرنٕچ دھمکی دِتھ أکِس نفرَس نِش مبینہ طور پوٗنٛسہٕ وصوٗل کَرنَس پٮ۪ٹھ گِرِفتار کٔرمٕتۍ۔ پُلسہٕ تھانہٕ سری گُفواراہس  چھےٚ محمد مقبول سٕنٛدِس نیچِوِ اعجاز احمد شاہ سٕنٛدِ طرفہٕ پیتھی نمبل مٹن پٮ۪ٹھہٕ شِکایت میٖجمٕژ۔ یَتھ منٛز وَننہٕ آمُت زِ مُلزِمن ٲسۍ أمِس نِش 24,000 رۄپیہِ منٛجمژٕ تہٕ دھمکی دِژمٕژ زِ اگر تٔمِس ادایگی کرنہٕ آیہِ سُہ پھساوِ تس جعلی این ڈی پی ایس کیسَس منٛز۔  شِکایت موصول گژھنہٕ پتہٕ کٔر پولیسَن تصدیق زِ شکایت کنندہ اوس نہٕ یِتھِس کُنہِ تہِ معاملَس منٛز مُلوث۔ اَمہِ پتہٕ آو پُلیٖس تھانہٕ سِریگوفوارہَس منٛز ایف آئی آر نمبر 68/2026 تحت دفعہٕ 308(2)(6)، 318(4)، تہٕ 351(2) بی این ایس تحت مقدمہٕ درٕج کرنہٕ۔