"ؤلِو منٲوِو یومِ آزٲدی﴿15 اگست﴾ جوش و خروش سان”: انشُل گرگن دِژلُکن بخشی سٹیڈیمس منٛز دعوت ۔

ڈویژنل کمشنر کشمیر انشول گرگَن دِژ برٛٮ۪سوارِ دۄہ سٲرِسٕے کٔشیٖرِ ہٕنٛدٮ۪ن لُکن بخشی سٹیڈیم سرینگرس منٛز مرکزی زیر انتظام علاقہٕ  چہِ سوٚتھرِچ یومِ آزٲدی  ہٕنٛزِ تقریٖبہِ منٛز شٲمِل گژھنٕچ تہٕ سٮ۪ٹھاہ جوشہٕ سان لُطُف تُلنٕچ دعوت۔ سرینگرَس منٛز پرٛژار ؤسیٖلن سٍتۍ کتھ باتھ کٔرِتھ ووٚن  تِمو زِ 15 اگست تقریٖبہِ ہٕنٛدۍ تمام انتظامات چھِ مُکمل گٔمٕتۍ تہٕ بہٕ چُھس کٔشیٖرِ ہٕنٛدٮ۪ن سارنٕے لوٗکَن یومِ آزٲدی ہٕنٛدِس  موقعس پٮ۪ٹھ مبارکباد دِوان۔ پرٛژار ؤسیٖلو مُطٲبِق ووٚن تٔمۍ زِ بہٕ چھُس پرٛٮ۪تھ کٲنٛسہِ 15 اگست بخشی سٹیڈیمَس منٛز یِنٕچ تہٕ اَتھ قومی تقریبہِ ہُنٛد حصہٕ بننٕچ دعوت دِوان”۔