آبادیٲتی تبدیلیَن ہُنٛد جٲیزٕ نِنہٕ واجنہِ کمیٹی ہُنٛد جوٚم دورٕ ختم، کٔشیٖرِ پنڈتَن ہٮ۪تھ مُختٔلِف وفدَن سٍتۍ مُلاقات.

مُلکہٕ کٮ۪ن مُختٔلِف حِصن منٛز آبادِیٲتی تبدیلیَن ہُنٛد جٲیزٕ نِنہٕ خٲطرٕ مرکزی حکوٗمت طرفہٕ قٲیِم کرنہٕ آمٕژ اعلیٰ سطحی کمیٹی کوٚر از  پنُن دورٕ مُکمل۔ دورٕ کہِ ٲخٕری دۄہ کٔر کمیٹی کٔشیٖرِ ہِنٛدِ ہیٚنٛدۍ وفدَن  سٍتۍ تہٕ مسلہٕ تہٕ راے سمجھنہٕ خٲطرٕ باقٕے کینٛژن وفدَن سٍتۍ تہِ ملاقات۔ امہِ پتہٕ گٔیہِ کمیٹی نیہِ دِلہِ کُن۔ژور رُکنی کمیٹی ٲس ژٔنٛدٕروارِ دۄہ جموں وٲژمٕژ، ییٚتہِ أمۍ چیف سیکریٹری اٹل ڈلو تہٕ ڈائریکٹر جنرل آف پولیس نَلن پربھاٹ سان سینئر سرکٲرِ تہٕ پولیس اہلکارَن سٍتۍ تفصیٖلی مشورٕ کٔرۍ۔ کمیٹی کوٚر جموں کِس جگتی ٹاؤن شپُک تہِ دورٕ، یُس کٲشِرۍ پنڈتَن ہِنٛز بٔڑۍ بستی ماننہٕ یِوان چھےٚ، تہٕ کٔرٕکھ روہنگیا مہاجرن ہِنٛدِ آباد ناروال علاقَس منٛز أکِس لۅکچہِ بستی ہُنٛد تہِ مُعٲینہٕ۔