پارلیمنٹک وہرٲژ اجلاس ووت از انٛد۔

پٔتمہِ رٮ۪تنہ 20ہمہ تاریخہ شروع سپدُمت پارلیمنٹک وہرٲژ اجلاس ووت از انٛد۔ ازچ لوک سبھایہ ہنز کارروائی آیہ قومی بٲتھ چلاونہ پتہٕ غٲر معینہ وقتہ خٲطر ملتوی کرنہٕ۔ امہ برونٛہہ دِژ پارلیمنٹ کٮ۪و دوشوۍ ایوانو ایف سی آر یعنے فاریَن کنٹروبیوشن  ریگولیشن  ترمیمی بل 2026 مزید پرکھایہِ باپتھ  مشترکہٕ پارلیمٲنی  کمیٹی  سوزنچ منظوری۔ ییٚمک مقصد   فارین کنٹروبیوشن  ریگولیشن   ایکٹ  2010 ہس منٛز  مزید ترمیم کرٕنۍچُھ۔ امہِ بلہِ ہٕنٛدِ مدتہٕ سٍتۍ  ییہِ  بین الاقوٲمی چندُک استعمال  زیادٕ شفاف تہٕ  جوابدہ بناوُنہٕ ۔دٲخلہٕ معاملن ہٕنٛدۍ وزیرِ مملکت  نِتیانند راین  کٔر ایوانس منٛز   بل پیش ییٚمہ پتہٕ یہِ بل صلاح مشورٕ باپتھ  دۅشوٕنۍ  ایوانن ہٕنٛدٮ۪ن ممبرن پٮ۪ٹھ مشتمل جواینٹ  پارلیمینٹری  کمیٹی سوزنہٕ آیہِ۔