مرکزی سرکارٕچ 80مہ یوم آزادی ہِنٛزِ مرکزی تقریبہِ پٮ۪ٹھ پی ایم ویشوٕ کرما سکیمِہ ستٍۍ فٲیدہ حٲصل کرن والٮ۪ن اکھ ہتھ نفرن شرکت کرنٕچ خصوصی دعوت۔

مرکزی سرکارن چھےٚ 80مہ یوم آزادی ہِندِ مرکزی تقریبہِ ہِندِس موقس پٮ۪ٹھ پی ایم ویشوٕ کرما سکیمِہ ستٍۍ فٲیدہ حٲصل کرن والٮ۪ن اکھ ہتھ نفرن شرکت کرنٕچ خصوصی دعوت دِژمژٕ۔ ساروٕے کھۅتہٕ لۅکچہ ، لۅکچہ تہٕ درمیانہٕ درجہ چہِ صنعژن ہِنز   وزارژ چُھ ووٚنمُت زِ یِمن تمام فائدہ تلن والٮ۪ن یِن قومہ کِس تعمیرس منٛز ٹاکارٕ کوششن ہِندِ س احترامس منٛز  یادگار پیش کرنہٕ۔ تفصیلات مطٲبق کرن یِم فائدہ تُلن وٲلۍ پی ایم وِشوٕکرما کٮ۪ن 18ہَن کٲرۍ گری ہندٮ۪ن شعبن ہِنٛز نمائندگی،   یِمو امہِ سکیمہِ تحت بنیٲدی تربیت، تہٕ ہنرمندی پٮ۪ٹھہ سائنسی آلہٕ  تہٕ اوزار حٲصل کٔرۍمتٕۍ چِھ۔ وزاژ ِمطٲبق چُھ یوم آزادی ہنِز تقریبہِ منٛز فائدہ تُلن والٮ۪ن ہنز شرکت،  ملکچہ مۅللہِ ثقافتی ورثہٕ چہِ  رنگارٔنگی وۅتھہٕ واشر دِنس  منٛز کٲرۍ گرن تہٕ ہُنرمندن ہنزِ محنژِ تہٕ کوششن ہِند اعترافچ عکاسی کران۔