جموں وکشمیر سرکارٕچ 18 کرور 60 لچھ رۅپیہِ مٲلیت کٮ۪ن ترٮ۪ن بڈٮ۪ن ہیری ٹیج کنزرویشن پروجیکٹن منظوٗری۔
جموں وکشمیر سرکارن چھےٚ 18 کرور 60 لچھ رۅپیہِ مٲلیت کٮ۪ن ترٮ۪ن بڈٮ۪ن ہیری ٹیج کنزرویشن پروجیکٹن منظوٗری دِژمٕژ۔ یِمن پروجیکٹن ہُنٛد مقصد چُھ خطہٕ چہِ تواریخی تہٕ ثقافتی جایہِ بحال کرنہِ تہٕ سیاحت مستحکم بناوٕنۍ۔یِمن پروجیکٹن منٛز چُھ 6 کرور 86 لچھ رۅپین ہُنٛد سانبھہ ہس منٛز اتروہنی ہیری ٹیج پروجیکٹ ساڑ 6 کرور رۅپین ہُنٛد کٹھواہُک پروجیکٹ تہٕ 5 کرور 24 لچھ رۅپین ہٕنٛدِ مٲلیتُک اننت ناگہٕ تٲریخی سند براری ہُنٛد خوبصورتی بڑاونُک پروجیکٹ شٲمل۔ سرکٲرۍ پرٮ۪س بیانہٕ مطٲبق چِھ یِم پروجیکٹ وزیر اعلی عمر عبد اللہ سٕنٛدس قیادتس تحت جموں وکشمیر چٮ۪ن تواریخی تہٕ ثقافتی جاین رٲچھ کرنہٕ چٮ۪ن سرکارچٮ۪ن کوششن ہُنٛد حصہٕ۔