جموں و کشمیر بینکن منُوو 80 مہِ یوم آزادی  ہُنٛد دۅہ حب الوطنی ہٕنٛدِ جذبہٕ سان ۔ ایم ڈی تہٕ سی ای او سُنٛدقوم بناونس منٛز احترام، فخر تہٕ ذمہٕ دٲری پٮ۪ٹھ زور ۔

جموں و کشمیر بینکَن مَنوو از پنٕنٮ۪ن تمام دفترَن منٛز یوم آزادی سٮ۪ٹھاہ حب الوطنی ہٕنٛدِ جذبہٕ سان۔ بینک کِس کارپوریٹ ہیڈ کوارٹرَس منٛز لَہرووایم ڈی تہٕ سی ای او امیتاوا چٹرجی یَن قومی جھنڈٕ تہٕ اتھ  تٲریخی موقعس پٮ۪ٹھ ٲسۍ ایگزیکٹو ڈائریکٹر سُدھیر گپتا، چیف جنرل منیجر، جنرل منیجر، ڈی جی ایم، سینئر افسر تہٕ باقٕے سٹاف شٲمِل۔پننِس تقریرَس منٛز دِیُت امیتاوا چٹرجی یَن ترٛےٚ اَہَم لفٕظ استعمال کٔرِتھ یوم آزٲدی ہُنٛد معنی: احترام، فخر تہٕ ذِمہٕ دٲری۔ مٔزیٖد وضاحت کٔرِتھ ووٚن تِمو زِ "یوم آزادی چھُ پرٛٮ۪تھ  تس شخصس خٲطرٕ پنُن احترام ظٲہِر کرنُک وق یییٚمۍ پنٕنۍ زِنٛدگی قربان کٔر تہٕ پنُن وقت  کوٚرُن آزٲدی حٲصِل کرنہٕ خٲطرٕ  وقف۔