باگلیہار چہِ بحٲلی منٛز ژیر ، جموں و کشمیرَس منٛز چھُ بجلی ہُنٛد بحران برقرار۔ 

جموں و کشمیرَس منٛز چھُ بجلی ہٕنٛز کٔمی ہُنٛد مسلہٕ جٲری، تِکیٛازِ 450 میگاواٹ باگلیہار سٹیج-I ہائیڈرو الیکٹرک پروجیکٹٕچ بحٲلی ہٕنٛز کٲم چھِ وُنہِ تہِ جٲری، تہٕ امیُک بجلی پٲداوار چھُنہٕ وُنیُک تام پوٗرٕ پٲٹھۍ بحال گوٚمُت۔ 

حُکامَو مُطٲبِق آیہِ ریاسی ضِلعَس منٛز 900 میگاواٹ باگلیہار ہائیڈرو الیکٹرک پروجیکٹ تہٕ 690 میگاواٹ سلال ہائیڈرو الیکٹرک پروجیکٹ دۄشوٕے رٲچھ راوَٹھ تہٕ ڈیمَن منٛز جمع گٔمٕژ سیٚمب ہٹاونہٕ باپتھ بنٛد کرنہٕ۔ بگلیہار سٹیج-II ہُک 450 میگاواٹ تہٕ سلال پرٛوجکٹَن چھُ دُبارٕ کٲم شُروٗع کٔرمٕژ۔ تاہم، باقٕے 450 میگاواٹ باگلیہار سٹیج-I بحال کرنس منٛز آو ژیر ییٚمہِ کِنۍ اَمہِ کِس دروازَن پٮ۪ٹھ لیمب جمع گژھنہٕ سۭتۍ بحٲلی ہٕنٛز کٲم متٲثر گٔیہِ۔ 

دۄشوٕے پرٛوجیٚکٹ چھِ چناب دٔریاوَس پٮ۪ٹھ بناونہٕ آمٕتۍ تہٕ یِمَن ہٕنٛز ملکیَت چھِ نیشنل ہائیڈرو الیکٹرک پاور کارپوریشن (این ایچ پی سی) ۔ یِم پرٛوجیٚکٹ چھِ جموں و کشمیرَس خٲطرٕ بجلی ہُنٛد بٔڑ ذٔریعہٕ ماننہٕ یِوان، تہٕ رٮ۪تہٕ کالہِ کِس موسمَس منٛز چھِ جموں و کشمیرَس منٛز بجلی ہٕنٛز منگ 2,500 میگاواٹ یا امہِ کھۄتہٕ زیادٕ تام واتان۔