جموں و کشمیرس منٛز دہشت گردَن ہُنٛد اکھ نوٚو خفیہ نیٹ ورک؟ فحش ویب سایٹہٕ تہٕ اینکرپٹِڈ ایپس ذٔریعہٕ رٲبطَن ہُنٛد انکشاف۔

سیکورٹی ایجنسیَو چھُ داعوا کوٚرمُت زِ جموں و کشمیرَس منٛز سرگرم دہشت گرد گروپ تہٕ تِہنٛدِ مُبینہٕ ہینڈلر چھِ وۄنۍ رٮ۪وٲیتی سوشل میڈیا پلیٹ فارمَو بدلہٕ خفیہ رٲبطہٕ باپتھ فحش ویب سایٹہٕ، کینٛہہ اینکرپٹِڈ ایپلیکیشن، تہٕ ٹور نیٹ ورکَس پٮ۪ٹھ مبنی رٲبطہٕ ٹول استعمال کران۔ حکامَن مُطٲبِق ٲسۍ گۄڈٕ دہشت گرد گروپَن ہٕنٛدِ طرفہٕ آن لائن گیمنگ پلیٹ فارمَن ہُنٛد مبینہٕ غلط استعمال کرنٕکۍ معاملہٕ آسان، مگر وۄنۍ چھِ سیکورٹی ایجنسیَن ہُنٛد دعویٰ کوٚرمُت زِ رٲبطُک اکھ نوٚو طریقہٕ چھُ لگٲومُت۔

حکامَو مُطٲبِق چھِ دہشت گرد تنظیمہٕ تہٕ پٲکِستانٕچ انٹیلی جنس ایجنسی آے ایس آی رٮ۪وٲیتی سوشل میڈیا پلیٹ فارمَن پٮ۪ٹھ نگرٲنی نِش بچنہٕ باپتھ یِتھۍ متبادل چینلہٕ استعمال کران، یِمَو ذٔریعہٕ جموں و کشمیرَس منٛز پننٮ۪ن مُبینہٕ کارکُنَن یا نٔوۍ بھرتی کرنہٕ آمٕتۍ نفرَن ہِدایَت سوزنہٕ یِتھ۔ سیکورٹی حکامَن ہُنٛد ونُن چھُ زِ کینٛہہ فحش ویب سایٹَن پٮ۪ٹھ چھِ ریئل ٹائم چیٹ فیچر آسان یِم بظٲہِر نزدیٖکی علاقَن منٛز لوٗکَن سۭتۍ رٲبطہٕ یا ڈیٹنگ آسان چھِ بناوان۔