سرینگرس منٛز کوٚر نیشنل کانفرنسن ریاستی درجہٕ خٲطرٕ احتجاج ییٚلہِ زَن بی جے پی ین عمر حکومت  چٮ۪ن ناکٲمین خلاف احتجاج کوٚر۔

این سی احتِجاج اوس ریاستُک درجہٕ بَحالی، ٲییٖنی حِفاظت، تہٕ نوجوانَن ہِنٛدِ خٲطرٕ اِقدامَن ہٕنٛدِس مُطالبَن پٮ۪ٹھ مرکوز، ییٚلہِ زَن بی جے پی یَن این سی کِس قیادتس منٛز حکوٗمتَس پٮ۪ٹھ ترقی، روزگار، بجلی تہٕ باقٕے بُنیٲدی خٔدمات فراہم کرنس منٛز ناکام روزنُک الزام لگٲومُت۔

احتجاجی مُظٲہرٕ گٔیہِ لال چوکَس أنٛدۍ پٔکھۍ، ییٚتہِ سخٕت حِفٲظتی اِنتِظام اوس تہٕ سول سیکریٹریٹَس کُن نقل و حرکت ٲس محدوٗد کرنہٕ آمٕژ۔ بی جے پی رہنُما تہٕ کارکُن گٔیہِ کلاک ٹاورَس نزدیٖک جمع ۔