وادی کٔشیٖرِ ہٕنٛڈٮ۪ن بالٲیی علاقَن منٛز پیوٚو ییٚمہِ موسمُک گۅدنِیُک شیٖن، جوٚمِس منٛز روٗد ،محکمہٕ موسمیاتَن چھےٚ یِنہٕ والٮ۪ن 2دۄہَن منٛز جموں و کشمیرَس منٛز چھِرکاو روٗدٕچ پیشنگویی کٔرمٕژ۔
موسمی حالاتَس منٛز تبدیلی پتہٕ پیوٚو آز وادی کشمیرٕکٮ۪ن بانڈی پورہ تہٕ گاندر بل ضِلعہٕ کٮ۪ن ہیٚرمٮ۪ن علاقن منٛز ہلکہٕ شیٖن، ییٚلہِ زن جموں کٮ۪ن مٲدٲنی علاقن منٛز روٗد پیوٚو۔
محکمہٕ موسمیاتَن چھُ آز جموں و کشمیر کٮ۪ن واریاہَن حِصَن منٛز روٗدٕچ پیشنگویی کٔرمٕژ۔
محکمہٕ موسمیات مُطٲبِق پیوٚو کٔشیٖرِ ہٕنٛدِ بانڈی پورہ تہٕ گندر بل ضِلعہٕ کٮ۪ن ہیٚرمٮ۪ن علاقن منٛز موسمُک گۄڈٕنیُک ہلکہٕ شیٖن۔ جموں کٮ۪ن مٲدٲنی علاقن منٛز روٗد راتس روٗد جٲری۔ محکمہٕ موسمیاتَن چھِ مزید روٗدٕچ پیشنگویی کٔرمٕژ۔
ہِنٛدُستانٕکۍ محکمہٕ موسمیاتن (آی ایم ڈی) چھےٚیِنہٕ والٮ۪ن 2 دۄہَن منٛز جموں و کشمیرَس منٛز چھِرکاو روٗد پیٚنٕچ پیشنگوئی کٔرمٕژ، ییٚمہِ پتہٕ موسمی حالاتن منٛز بہتری ہُنٛد امکان چُھ ۔
أتھۍ دوران آو سرینگرَس منٛز زِیٛادٕ کھۄتہٕ زِیٛادٕ درجہٕ حرارت 33.5 ڈگری سیلسیس ریکارڈ کرنہٕ ییٚلہِ زن، پہلگامَس منٛز 25.8 ڈگری سیلسیس تہٕ گُلمرگہِ منٛز 21.2 ڈگری سیلسیس ریکارڈ کرنہٕ آمُت چُھ ۔
جوٚم خطس منٛز آو ِزیٛادٕ کھۄتہٕ زِیٛادٕ درجہٕ حرارت 33.1 ڈگری سیلسیس تہٕ کٹراہَس منٛز 30.2 ڈگری سیلسیس ریکارڈ کرنہٕ ۔