اشدر انکاونٹر:ہلاک گژھن وول لشکر طیبہ دہشت گرد اکھ پٲکِستٲنۍ شہری ثٲبت۔
جموں و کشمیر پولیسَن دِژ اطلاع زِ وسطی کشمیر کِس بڈگام ضِلعہٕ کِس اشدر گلی علاقَس منٛز جٲری کاروٲئی دوران مارنہٕ آمتِس دہشت گرد سٕنٛز شناخت چھےٚیاسر ناوٕ سۭتۍ کرنہٕ آمٕژ، یُس اکھ پٲکِستٲنۍ شہری اوس تہٕ یُس ممنوعہ دہشت گرد گروپ لشکر طیبہ ہَس سۭتۍ وابستہٕ اوس۔ پُلسہٕ مُطٲبِق کٔر اشدر گلی کارروٲیی دوران دہشت گرد بے اثر کرنہٕ پتہٕ تٔمۍ سٕنٛزِ پٲکِستٲنہِ قومیت تہٕ لشکرِ طیبہ ہَس سۭتۍ تٔمۍ سٕنٛدٮ۪ن تعلُقاتن ہُنٛد تصدیٖق۔
جموں و کشمیر پولیسَن دِژ جُمعہ دۄہ سوشل میڈیا پلیٹ فارم ‘ایکس’ پٮ۪ٹھ أکِس پوسٹ ذٔریعہٕ امہِ پیش رفتٕچ اطلاع۔ پوسٹَس منٛز لیوٚکھ: ‘تُہۍ ہٮ۪کِو ژٔلِتھ، مگر ژوٗرِ ہیکِو نہٕ روٗزِتھ”۔ اتھ پٲغامس منٛز بٲگرٲوو تِمو کاروٲیی دوران مارنہٕ آمتِس دہشت گردَس مُتعلِق تَفصیٖلات ۔
پولیسَن ووٚن زِ یاسر اوس لشکر طیبہ ہَس سۭتۍ وابستہٕ اکھ غٲر مُلکی دہشت گرد، یُس اشدر گلی منٛز دہشت گردی خلاف کارروٲئی دوران سیکورٹی فورسَو ذریعہ مارنہٕ اوس آمُت۔