این ایچ ایم سٹافس ہڑتال ختم کرنُک حُکم، "حکومت چھےٚ تِہنٛدین مطالبن پیٹھ غور کران”: سکینہ ایتو
جموں و کشمیر چہِ صحت تہٕ طِبی تعلیٖمہِ ہٕنٛز وزیرِ سکیٖنہ ایتون ووٚن احتجاج کَرن وٲلِس نیشنل ہیلتھ مِشنٕک (این ایچ ایم) عملس زِ تِم کرَن پنُن ہڑتال ختم تِکیازِ حکوٗمت چھےٚتِہنٛدٮ۪ن مُطالبَن ہُنٛد جٲیزٕ نِوان تہٕ چھُکھ گۄڈَے مُتعلقہٕ حُکامن سۭتۍ یہِ مسلہٕ تُلمُت۔
جٲری احتجاجَس مُتعلِق کتھ کٔرِتھ ووٚن تِمو زِ صحتہٕ شعبٕکۍ کارکُنن خاص پٲٹھۍ ڈاکٹرَن تہٕ طِبی عملُک چُھ اکھ اَہَم تہٕ حساس کِردار تہٕ یِہُنٛدڑتال کرُن چُھنہٕ صحیح تِکیازِ یہِ چھُ ضروٗری صحتہٕ چن خٔدمَتن پٮ۪ٹھ براہ راست اثر ترٛاوان۔
تِمو ووٚن زِ”مےٚ چُھنہٕ باسان زِ ڈاکٹرن پزِ احتجاج کرُن تکیازِ تِم چھِ اکھ مقدس کٲم کران۔ اسہِ چھِ گۄڈَے تِہٕنٛدۍ مُطالبات مُتعلقہٕ سرکٲرِ حُکامن سوزمٕتۍ۔”
وزیرَن ووٚن مزید زِ حکوٗمت چھِ این ایچ ایم مُلٲزمَن ہٕنٛدٮ۪وخدشاتَو نِش باخَبر تہٕ یِہٕنٛدٮ۪ن مُطالبَن پٮ۪ٹھ چھےٚ غور کران۔