جٔمۍعلاقس منٛز گۄڈٕنِچہِ لَٹہِ ریلہِ ذٔریعہٕ سیمنٹ فراہم ،یہِ چُھ شُمٲلی ریلوے یُک اکھ تٲریٖخی سنگ میل۔ 

شُمٲلی ریلو یِکۍ  جٔمۍ ڈویژنَن کٔر مال بردار شعبَس منٛز گۄڈٕنِچہِ لَٹہِ ریل ذٔریعہٕ سیمنٹ واتناونہٕ خٲطرٕ اکھ انڈینٹ جٲری  تہٕ کٔرٕن مال بردار شعبَس منٛز اکھ اہم کامیٲبی حٲصِل۔ اتھ تحت یِیہِ شہید کیپٹن سنیل کمار چودھری کٹھوا ریلوے سٹیشن پٮ۪ٹھہٕ اننت ناگ ریلوے سٹیشنس تام ٹرینہِ ذریعہٕ سیمنٹُک کھیپ واتناونہٕ۔ صنعتی شعبَس سۭتۍ مُسلسل مصروفیت تہٕ  جٔمۍ ڈویژنُک بزنس ڈیولپمنٹ یونٹہٕ طرفہٕ آیہِ مال برداری فروغ دِنہٕ چٮ۪ن  کوٗششَن ہٕنٛدِس نٔتیٖجَس منٛز ‘گنپتی سیمنٹ کٹھو عہس’ سۭتۍ واریاہ  زیٖٹھۍ کَتھ باتھ کرنہٕ، ییٚمہِ پتہٕ کمپنیہِ مصنوعات ریلہِ ذٔریعہٕ وادی کٔشیٖرِ تام واتناونہٕ خٲطرٕ حوصلہٕ افزٲیی آیہِ کرنہٕ۔ ریلوے ترجمانَس مُطٲبِق چھُ جموں ڈویژنَس منٛز یہِ گۄڈٕنِچہِ لَٹہِ زِ وادی کشمیرَس منٛز یِیہِ سیمنٹ لوڈِنگ اَکہِ ریلوے سٹیشنہٕ پٮ۪ٹھہٕ بیٚیِس ریلوے سٹیشنَس تام ریلہِ ذٔریعہٕ واتناونہٕ۔