جموں و کشمیر: ریاسی منٛز مِنی بس ٹٲر پٹھنہٕ کِنۍپلٹنہٕ سۭتۍ 2ہلاک، 5 زخمی ۔
جموں و کشمیر کِس ریاسی ضِلعَس منٛز گٔیہِ ازاکھ مسافر گٲڈۍ پلٹِتھ یتھ منٛز، زٕ نفر ہلاک تہٕ پانٛژھ زخمی گٔے۔ حکامَو کٔر تصدیٖق زِ یہِ حٲدِثہٕ گوٚو صبحٲے 8:40 بجہِ باٹل گالا ہَس منٛز بکل سرنگَس نزدیٖک ییٚلہِ سارنگ ڈار پٮ۪ٹھہٕ ریاسی کُن گژھَن واجیٚنۍ اکھ مسافر گٲڈۍ ڈرائیور سٕنٛدِ قوبوُ نِشہِ نیبر گٔیہِ تہٕ کھیون پلٹ ۔
چشمہٕ دیٖد گواہو ووٚن زِ گاڑِ ہُنٛد اکھ ٹٲر پھوٚٹ، ییٚمہِ کِنۍ ڈرائیورَس کنٹرول رُوو تہٕ گاڑِ کھیٚیہِ پلٹ۔ حکامَو ووٚن زِ اکھ 48 وُہُر شخٕص موٗد موقعس پٮ۪ٹھٕے ، ییٚلہِ زَن حٲدِثَس منٛز شےٚ زخمی ہسپتال نِنہٕ آے۔ یِمَن منٛز موٗد ت چھۅکہٕ دگ نہ وٮ۪ترن کِنۍ تقریباً 35 وُہُر شخٕص ۔
حکامَو ووٚن بیٚیہِ زِ باقٕے زٕ شٔدیٖد زخمی نفر ٲسِکھ خصوٗصی علاج باپتھ جموں کِس گورنمنٹ میڈیکل کالج (جی ایم سی) ہسپتالَس منٛز منتقٕل کٔرمٕتۍ۔ پولیسَن چھُ مقدمہٕ درٕج کوٚرمُت تہٕ چھِ مٔزیٖد تفتیش چھےٚ جٲرِی۔