ایم ایل اے وحید پرہ سٕنٛز زایہِ دۄہَس پٮ۪ٹھ اسمبلی منٛز نمایندگی کرنہٕ برٛونٛہہ عدالتَس منٛز پیشی۔

پیپلز ڈیموکریٹک پارٹی (پی ڈی پی) رہنُما تہٕ پلوامہ ایم ایل اے وحید الرحمن پرہَن گُزٲر از پننِس زایہِ دۄہَس پٮ۪ٹھ عدالتَس منٛز کینٛہہ وقت، ییٚتہِ تٔمِس غٲر قونوٗنی سرگرمین (روک تھام) ایکٹ (یو اے پی اے) تحت مقدمُک سامنہٕ چھُ۔ اَمہِ پتہٕ کٔر تٔمۍ دۄہ کِس دوٚیمِس حصس منٛز جموں و کشمیر قونوٗن ساز اسمبلی کِس اجلاسَس منٛز شِرکت۔

38 ؤری وٲنسہِ منٛز لیوٚکھ پر ہَن سوشل میڈیا پوسٹَس منٛز یہِ صورتحال کٔشیٖرِ ہٕنٛز چھےٚ سۅ چھےٚسیٲسی حقیقتٕچ ‘تلخ ستم ظریفی’ ۔

پرہَس خٕلاف مقدمُک تعلُق چھُ ایف آئی آر نمبر 31/2020 سۭتۍ یُس کاؤنٹر انٹیلی جنس کشمیر (سی آئی کے) طرفہٕ سری نگر پولیس تھانہٕ سی آئی کے یَس منٛز درٕج کرنہٕ آمُت چھُ۔ اَمہِ مقدمٕچ سُنوٲی چھےٚ سرینگر کِس جموں و کشمیر ضِلعہٕ کورٹ کمپلیکسَس منٛز این آئی اے ایکٹَس تحت قٲیِم کرنہٕ آمژِ أکِس خصوٗصی عدالتَس منٛز کرنہٕ یِوان ۔