‘دوکھہٕ دِتھ ہیکہٕ نہٕ بہٕ مزید پٔکِتھ’: آغا روح اللہ دِیُت آز این سی تہٕ لوک سبھا پیٹھٕ اِستعفیٰ۔

نیشنل کانفرنسُک (این سی) ہُک ‘ناراض’ تہٕ ‘بٲغی’ ایم پی، آغا سید روح اللہ مہدی چھُ الزام لگاوان زِ پارٹی سربراہ ڈاکٹر فاروق عبداللہ ہَن ووٚن تٔمِس ‘خاندٲنی دباوَس’ تحت استعفیٰ دِنُک۔ روح اللہ سُنٛد بیان چھُ واضح پٲٹھۍ اِشارٕ کران زِ اَتھ فٲصلَس منٛز وزیر اعلیٰ عمر عبداللہ سٕنٛز مُمکِن مُلوث۔

آغا روح اللہ مہدی، یٔمۍ این سی ٹِکٹَس پٮ۪ٹھ سرینگر پارلِمنٹری سیٹ حٲصِل کٔرِتھ، ووٚن ای ٹی وی بھارتَس أکِس تفصیٖلی انٹرویوَس منٛز زِ تٔمۍ سُنٛد سیٲسی موقفٕ چھُ نیشنل کانفرنسہٕ خٲطرٕ ناقابل برداش۔ تٔمۍ ووٚن، ‘یہِ چھُ مُمکِن زِ پارٹی ہٕنٛدِس صدرَس آسہِ پننِس عیالَس انٛدر طرفہٕ ناقابل برداش دباوُک سامنہٕ کرُن، اَمہِ مۄکھٕ ووٚن تٔمۍ مےٚ استعفیٰ دِنہٕ۔ تاہم، پارٹی منٛز چھِنہٕ جوابدٲری تہٕ شفافیتٕچ کانٛہہ اہمیت۔’