سپریم کورٹَن دِیُت ڈاکٹر سٕنٛدِس عصمت دری تہٕ قتل کیسَس منٛز بۄموارِ دۄہ شامَس تام ہڑتال کرن والٮ۪ن ڈاکٹرن ڈیوٹی پٮ۪ٹھ واپس یِنُک حکم

سپریم کورٹَن دِیُت بۄموارِ دۄہ مغربی بنگال سرکارَس ہدایت زِ سُہ کرِ کولکتہ کِس آر جی کار میڈیکل کالج تہٕ ہسپتالَس منٛز مُنٲسِب حفاظتی انتظام یقینی بناونہٕ تہٕ احتجاج کرن والٮ۪ن ڈاکٹرَن دِیُت بوموارِ دۄہ شامَس 5 بجے تام کامہِ پٮ۪ٹھ واپس یِنُک ہدایت۔ یہِ فٲصلہٕ آو اگستَس منٛز 31 وُہُر پوسٹ گریجویٹ ٹرینی ڈاکٹر تہٕ کالج کٮ۪ن باقٕے پہلوَن سۭتۍ مبینہٕ عصمت دری تہٕ قتلٕچ تحقیقات کِس پیشرفت ہٕنٛز تفصیٖلَن پٮ۪ٹھ غور کرنہٕ پتہٕ۔
بیٚنچن دِژ مغربی بنٛگالس منٛز ڈاکٹرَن تہِ خبردار یِم أکِس رٮ۪تَس تام ہڑتالَس پٮ۪ٹھ چھِ تہٕ مُبینہٕ عصمت دری تہٕ قتلَس خِلاف احتجاج کران چھِ، تِم گژھَن پگہہ شامَس 5 بجے تام پنٕنۍ ڈیوٹی پٮ۪ٹھ واپس نَتہٕ ہٮ۪کہِ ریاستی حکومت تِمَن خٕلاف تادیبی کاروٲیی شُروٗع کٔرِتھ۔ سپریم کورٹَن ووٚن زِ ڈاکٹرَن ہُنٛد احتجاج ہٮ۪کو نہٕ تِہنٛزِ ڈیوٹی ہٕنٛدِس قۭمتَس پٮ۪ٹھ کٔرِتھ۔