موسمُک گۄڈٕنیُوک شین گُلمرگہِ منٛز۔

موسمیات محکمہٕ چہِ پیشن گویی مُطٲبِق گوٚو موسمُک گۄڈٕنیُک شین شُمٲلی کشمیرُک ساروِی کھۄتہٕ مشہوٗر سیاحتی مُقام گلمرگ کِس افروت علاقَس منٛز۔ ذٔرایعو مُطٲبِق آو صُبحٲے افروتَس منٛز تقریباً زٕ انچ شیٖن جمع کرنہٕ۔ مٲہِر موسمیات فیضان عارف سٕنٛدِ مُطٲبِق ہیٚکہِ یِنہٕ والٮ۪ن 24 گٲنٛٹن دوران سنتھن ٹاپ، رازدان ٹاپ تہٕ پیر کی گلی تہٕ باقٕے پہٲڑی علاقن منٛز ہلکہٕ شیٖن پیٚتھ۔
أتھہِ دوران ہیٚکہِ موسمیات محکمہٕ کِس ترجُمانَس مُطٲبِق وادی کٔشیٖرِ منٛز 27 ستمبر اوٚبُر آسمانَس منٛز وُچھنہٕ یِتھ۔ تٔمۍ ووٚن زِ پتہٕ 27 ستمبر شامَس تہٕ 28 ستمبر صُبحٲے چھُ واریٛاہَن جایَن کم وقتہٕ روٗد پٮ۪نُک اِمکان۔ تٔمۍ ووٚن زِ وادی منٛز ہیٚکہِ 28 پٮ۪ٹھ 30 ستمبر تام موسم خۄشٕک روزِتھ، مگر اتھ وقتس دوران ہیٚکہِ کیٚنٛہن جایَن ہلکہٕ روٗد پیٚتھ۔ تٔمۍ ووٚن زِ پتہٕ روزِ وادی منٛز یکم اکتوبر پٮ۪ٹھ 6 اکتوبر تام موسم خۄشٕک روزنُک امکان