حکوٗمتَس پَزِ نیٹ یوٗ جی تہٕ اے ٹی اے امتحان خٲطرٕ معیٲری آپریٹنگ طریقہٕ کار قٲیِم کرُن: سپریم کورٹ

نئی دہلی: سپریم کورٹَن دِیُت جمعہ دۄہ مرکزی حکومت تہٕ نیشنل ٹیسٹنگ ایجنسی (این ٹی اے) ہَس ہدایت زِ سُہ کرِ گریجویٹ سطحٕک میڈیکل تہٕ باقی متعلقہٕ کورسَن منٛز دٲخلہٕ خٲطرٕ منعقد گژھَن وٲلۍ قومی اہلیت دٲخلہٕ ٹیسٹ (نیٹ-یو جی) سوالیہ پرچن ہٕنٛز بروقت فراہمی تہٕ سخت چھان بین یقینی بناونہٕ۔ چیف جسٹس ڈی وائی چندرچوڑ تہٕ جسٹس جے بی پردی والا تہٕ منوج مشرا سٕنٛدِ بیٚنچ کوٚر 5 مئی 2024 ہَس منٛز منعقد نیٹ-یو جی یَس منٛز بے قاعدگین خٕلاف دائر کردٕ عرضَن پٮ۪ٹھ تفصیلی فٲصلہٕ دِنہٕ وِزِ یہِ حُکُم۔
23 جولائی کِس فٲصلَس منٛز اوس بیٚنچن نیٹ امتحان دُبارٕ منعقد کرنٕچ عرضی خٲرج کٔرمٕژ۔
[7:04 pm, 2/8/2024] اطہر ابنِ اطہر: ایڈ چھُ مےٚ خٕلاف چھاپہٕ مارنٕچ تیٲری کران: راہول گاندھی

کانگریس کِس سٲبقہٕ صدر تہٕ لوک سبھاہس منٛز اپوزیشن لیڈر راہول گاندھی چھُ ووٚنمُت زِ انفورسمنٹ ڈائریکٹوریٹ (ای ڈی) چھُ تٔمِس خٕلاف چھاپہ مارنٕچ تیٲری کران، کانگریس لیڈرَن ووٚن آز زِ ای ڈی کِس أکۍ عہدیدارَن چھُ تٔمِس ووٚنمُت زِ تٔمِس خٕلاف چھاپُک منصوبہٕ چھُ بناونہٕ یِوان۔ تٔمۍ کوٚر تشویش ظٲہر زِ پارلیمنٹَس منٛز بجٹ بحثَس دوران اوس تٔمۍ ووٚنمُت زِ حکومت چھِ مخٲلِف تہٕ مُلکَس خٕلاف ‘چکرویوہ’ بناوان تہٕ شایَد مودی حکومتس چھُنہٕ تٔمۍ سُنٛد بیان پسند، اَمی مۄکھٕ چھُ تٔمِس خٕلاف یُتھ منصوٗبہٕ بناونہٕ یِوان۔
مسٹر گاندھی یَن ووٚن ایکس یَس پٮ۪ٹھ زِ "ظاہر چھُ زِ 1 منٛز 2 (جڑواں اکھ) ٲس نہٕ میٲنۍ چکرویوہ تقریر پسند۔ ای ڈی کٮ۪و أنٛدروٗنی ذٔریعن ووٚن مےٚ زِ چھاپن ہُنٛد منصوٗبہٕ چھُ بناونہٕ یِو بہٕ چھُس/چھَس بے صبری سان ای ڈی افسرَن پیٛاران۔ مےٚ نِش چاے تہٕ بِسکٹ۔