جموں و کشمیرس منٛز یِنہٕ والٮ۪ن ترٛٮ۪ن دۄہَن  منٛز روٗد گرٛایہِ  پیٚنٕچ پیشنگویی۔

سرینگرَ محکمہ موسمیات طرفہٕ جٲری کرنہٕ آمٕژ تازٕ ایڈوائزری مُطٲبِق چھُ جموں و کشمیرَس منٛز یِنہٕ والٮ۪ن 24 ہَن گٲنٛٹن منٛز ہلکہٕ روٗد  تہٕ گرٛایہِ روٗد پٮ۪نُک امکان۔

محکمہٕ موسمیاتَن چھےٚ یِنہٕ والٮ۪ن دۄن دۄہَن منٛز پوٗرٕ مركزی زیر انتظام علاقَس منٛز چھُکھ چھُکھ ۔ہلکہٕ پٮ۪ٹھٕ درمیٲنی روٗد تہٕ گرٛایہِ رودٕچ پیشنگویی کٔرمٕژ۔

سرینگر محکمہٕ موسمیاتٕچ پیشنگویی چھےٚاِشارٕ دِوان زِ جموں و کشمیر کٮ۪ن کینٛژھن حصن منٛز ہیکہِ 15 پٮ۪ٹھہٕ 17 ستمبرَس تام شدید موسمی سرگرمی ہُنٛد سامنہٕ  سپدِتھ۔

أکۍ موسمیات افسرَن ووٚن زِ "15 تہٕ 16 ستمبر چھُ کٔشیٖرِ منٛز چھُکھ چھُکھ روٗد پیٚنُک امکان، اَمہِ پتہٕ پیٚیہِ17 ستمبر وارِیاہ روٗد پیٚیہِ۔ امہِ پتہٕ چھےٚ پیشنگویی 18 ستمبر منتشر روٗدٕچ تہٕ 19 تہٕ 20 ستمبر  چھےٚمقٲمی موسمی سرگرمی ہٕنٛز پیشنگوئی کرنہٕ آمٕژ۔”

اَفسَرَن ووٚن بیٚیہِ زِ "جوٚمَس منٛز چھُ 15، 16 تہٕ 17 ستمبر کٲفی بٔڑِس پیمانَس پٮ۪ٹھ روٗدٕچ پیشنگویی ییٚلہِ زَن 18، 19 تہٕ 20 ستمبر چھُ  درمیٲنی روٗد پیٚنُک امکان”