ہندوستان چُھ ٹوگو چہِ سمٲجی تہٕ اِقتصٲدی ترقی خٲطرٕ پابنٛد: لوک سبھا سپیکر

نئی دہلی، 2 اگست (یو این آئی ٹوگو) وزیرن، ایم پیز، آئینی عدالت کین ججَن تہٕ مشیرَن ہٕنٛدِ اکہِ وفدَن کوٚر آز پارلیمنٹ ہاؤسَس منٛز لوک سبھا سپیکر اوم برلاہَس سۭتۍ ملاقات۔ ٹوگو کِس وفدُک خیر مقدم کران ووٚن مسٹر برلاہن زِ ہندوستان تہٕ ٹوگوَس چھِ ہمیشہٕ خوشگوار تہٕ دوستانہٕ دوطرفہ تعلقات حٲصِل کٔرمٕتۍ تہٕ ہندوستانَن چھُ ٹوگو کِس سمٲجی و اقتصٲدی ترقی منٛز پنٕنۍ پوٗرٕ حمایت کٔرمٕژ۔ تٔمۍ دِیُت یقین زِ ہندوستان چھُ مُستقبِلس منٛز تہِ ٹوگوَس پوٗرٕ حمایت کرنہٕ خٲطرٕ پرعزم ۔
تمہِ عملہِ ہُنٛد حوالہٕ دِتھ ییٚمہِ ذٔریعہٕ ہندوستانن 1947 ہَس منٛز پارلیمانی جموٗرِیَت اختیار کٔرمٕژ تہٕ ہندوستان کِس ٲییٖنُک مسودٕ تیار کوٚر، لوک سبھا سپیکرَن ووٚن زِ دستور ساز اسمبلی منٛز آیہِ تمام دفعاتَن پٮ۪ٹھ تفصیل سان بحث کرنہٕ تہٕ امہِ بحثٕک نتیجہٕ سۭتۍ اُبرَن وول آئین چھُ پٔتمہِ 75 ؤرۍ یَو پٮ۪ٹھ ہندوستانٕچ رہنمٲیی کران۔