راجناتھ سنگھَن کوٚر میمفسَس منٛز ہندوستٲنہِ برادری ہٕنٛدٮ۪ن رُکنَن سۭتۍ کَتھ باتھ

ؤزیٖر دِفاع راجناتھ سِنٛگھن کوٚر آتھٕوارِ دۄہ پنٛنہِ امریکہ دورٕ کِس ٲخٕری دۄہ نیشنل سول رائٹس میوزیمُک دورٕ تہٕ کوٚرُن میمفس، ٹینیسی منٛز ہِنٛدُستٲنہِ برادٔری سۭتہِ کَتھ باتھ۔وزارت دفاعَن ووٚن ژندر وارِ دۄہ أکِس ریلیزَس منٛز زِ "نیشنل سول رائٹس میوزیمَن چھُ 17 مہِ صدی پٮ۪ٹھٕ امریکہَس منٛز شہری حقوقٕچ تحریکٕچ تٲریخ وُچھمٕژ تہٕ یہِ چھُ 1968 منٛز مارٹن لوتھر کنگ جونیئر سٕنٛدِس قتلَس أنٛدۍ پٔکھۍ بناونہٕ آمُت۔” اَتھ منٛز چھُ مہاتما گاندھی سُنٛد مجسمہٕ تہِ۔میمفس، اٹلانٹا، نیش ویل تہٕ أنٛدۍ پٔکھۍ کٮ۪ن باقی علاقن منٛز ہندوستانٮ۪ن سۭتۍ کَتھ باتھ کران کٔر مسٹر سنگھَن تِہنٛزِ کامیٲبِین سۭتۍ سۭتۍ سماج، سائنس تہٕ معیشتس منٛز تہنٛدِ دِتہِ ہٕنٛز تعریٖف۔ تٔمۍ دِژ ہِنٛدُستٲنہِ برادری ہِنٛدُستان تہٕ امریٖکاہس درمِیان نزدیٖکی تعلُقات تہٕ خیر سگالی فروغ دِنہٕ خٲطرٕ اَکھ "زِنٛدٕ کٔدٕل” قرار۔