جموں و کشمیر اسمبلی اِلیکشَن: گۄڈٕنِکِس مرحلَس منٛز 24 سیٹَن خٲطرٕ نامزدگی دٲخٕل کرنٕچ ٲخری تٲریٖخ از۔

بۄموارِ دۄہ چھُ جموں و کشمیرَس منٛز اسمبلی انتخاباتَن ہٕنٛدِس گۄڈٕنِکِس مرحلَس منٛز 24 سیٹَن خٲطرٕ نامزدگی کاغذ دٲخٕل کرنُک ٲخری تٲریخ۔ ذٔرایعو مُطٲبِق چھِ کانگریسٕچ غلام احمد میر، پی ڈی پی یٕچ التجا مُفتی، نیشنل کانفرنسٕچ الطاف کلو تِمَن امیدوارَن منٛز قٲبلہِ ذِکِر یِم آز پنٕنۍ نامزدگی کاغذ جمع کران چھِ۔ حُکامو چھِ اَتھ مُتعلِق حِفاظتٕکہِ زبردست اِنتِظام کٔرِمٕتہِ تاکہِ امن و امان چہِ صورتحال پرٛٮ۪تھ قۭمتَس پٮ۪ٹھ برقرار روزِ۔سرکٲرۍ ذٔرایعو مُطٲبِق یِیہِ کاغذن ہِنٛز چھان بین 28 اگست ییٚلہِ زن نامزدگی کاغذ واپس نِنٕچہِ ٲخری تٲریٖخ 30 اگست چھےٚ۔ جموں و کشمیرس منٛز ترٛٮ۪ن مرحلن ہٕنٛدِ اسمبلی انتخاباتُک گۄڈنیُک مرحلہٕ یِیہِ 18 ستمبر، دوٚیِم تہٕ ترٛیٚیِم مرحلہٕ بِلترتیب 18 ستمبر تہٕ 1 اکتوبر، ییٚلہِ زن ووٹن ہٕنٛز گنتی 4 اکتوبر یِیہِ کرنہٕ۔جموں و کشمیرس منٛز چھِ اکہِ دٔہلہِ پتہٕ اسمبلی اِنتِخابات گژھان۔