کانگریس چھِ نعرٕ لگاون واجیٚنۍ پارٹی بنیمٕژ: سیتارامن

وزیر خزانہ نرملا سیتارامن دِژ بۄموارِ دۄہ کانگریس اکھ "نعرہ دِنہٕ واجیٚنۍ جماعت” قرار تہٕ ووٚن زِ یہِ چھِ وۄنۍ کُنہِ تہِ موضوعَس پٮ۪ٹھ مشورٕ کرنہٕ ورٲے نعرٕ لگاوُن شروٗع کران۔ییٚتہِ نامہ نِگارن سۭتہِ أکِس غٲر رسمی کَتھ باتھِ منٛز آیہِ سیتارامن کانگریس کہِ یونیفائیڈ پنشن سکیم (یو پی ایس) یوٗ ٹرن قرار دِنہٕ کِس اعلانَس مُتعلِق پرژھنہٕ۔تٔمۍ ووٚن زِ اِتحادُک چھُنہٕ حکوٗمت کِس کُنہِ تہِ فٲصلَس پٮ۪ٹھ کانٛہہ تہِ اثر۔ "وزیر اعظم نریندر مودی یَن چھُ واضح پٲٹھۍ ووٚنمُت زِ سون اتحاد چھُ سیوٚدُے لوکَن سۭتۍ تہٕ فٲصلہٕ چھِ صرف لوٗکَن ہٕنٛدِ مفادَس منٛز نِنہٕ یِوان۔