منموہن سِنٛگھ سُنٛد دِیُت روزِ ہمیشہٕ یاد : آر ایس ایس

راشٹریہ سویم سیوک سنگھ (آر ایس ایس) چھُ سٲبقہٕ ؤزیٖر اعظم منموہن سنگھ سٕنٛدِس مرنَس پٮ۪ٹھ تعزیت کوٚرمُت تہٕ تٔمِس خراج تحسین پیش کران ووٚنمُت زِ نامور مٲہرِ معاشیات ڈاکٹر منموہن سنگھ سُنٛد دِیُت روزِ ہمیشہٕ یاد یِنہٕ۔
‘ایکس’ پٮ۪ٹھ أکِس پٲغامَس منٛز چھُ راشٹریہ سویم سیوک سنگھَن آر آر ایس سربراہ ڈاکٹر موہن بھاگوت تہٕ جنرل سکریٹری دتریا ہوسابلے سُنٛد حوالہٕ دِتھ ووٚنمُت، "پوٗرٕ مُلُک چھُ ہندوستانُک سٲبقہٕ وزیر اعظم تہٕ ملکٕک تجرُبہٕ کار رہنما ڈاکٹر سردار منموہن سنگھ سٕنٛدِ مرنہٕ سۭتۍ سٮ۪ٹھاہ افسوس۔ راشٹریہ سویم سیوک سنگھ چھُ أمۍ سٕنٛدِس عیالَس تہٕ لاتعداد پیارَن تہٕ مداحَن سۭتۍ پننہِ گہری ہمدردی ہُنٛد اِظہار کران۔ "
"ڈاکٹر منموہن سنگھَن اوس عاجز پس منظرٕ سۭتۍ یِنہٕ باووٚجوٗد مُلکَس منٛز ساروِی کھۄتہٕ تھوٚد عہدٕ۔ ہِنٛدُستانس خٲطرٕ مشہوٗر مٲہرِ معٲشِیات ڈاکٹر سِنٛگھ سُنٛد کِردار یِیہِ ہمیشہٕ یاد کرنہٕ۔ أسۍ چھِ خۄداے سۭتۍ دُعا کران زِ سُہ دِیہِ مرحومَس امن دِنہٕ۔