چُگ سُنٛد وۅستادن ہِنٛدِس غٲر مُلکی دورن تحقیٖقاتُک مُطالبہٕ "پنجابَس مَنٛز چھُ تعالیٖمی نِظام خراب گَژھان: ترُن چُگ

بی جے پی قومی جنرل سیکریٹری ترُن چُگَن ووٚن زِ ییٚلہِ زن بھگونت مان حکومت وۄستاد بیروٗن مُلکَن منٛز سوزنَس منٛز آوٕر ییٚمہِ کِنۍ پنجاب تعٲلیٖمی شعبَس منٛز صورتحال تشویشناک چھےٚ ۔

تٔمۍ ووٚن زِ عام آدمی پارٹی حکوٗمتَن چھےٚ پرائمری تعٲلیٖمہِ کُن وُچُھن نظر انداز کوٚرمُت یۅسہٕ حٲران کُن کتھ چھےٚ۔

چُگن ووٚن زِ پرائمری تٲلیٖمہِ ہٕنٛدِس داخلَس منٛز چھےٚ واریاہ کٔمی آمٕژ، توتہِ چھُ بھگونت مان حکوٗمت صِرِف وۄستاد تربِیتہٕ خٲطرٕ بیروٗن مُلکَن منٛز سوزنَس پٮ۪ٹھ توجہ دِوان، ییٚمہِ سۭتۍ زٔمیٖنی سطحَس پٮ۪ٹھ واریاہ کم نتیجہٕ درامُت چُھ۔

تٔمۍ ووٚن زِ پنجابَس منٛز سکول تہٕ اعلیٰ تعلیم ادارٕ دۄشوے چھِ "ہونٮ۪ن نِش گٔمٕتۍ”، ییٚمہِ سۭتۍ شُرین ہِنٛدِ خٲطرٕ سٮ۪ٹھاہ مایوس کن ماحول پٲدٕ گوٚمُت چُھ۔

چُگَن کٔر منٛگ زِ وۅستادَن ہِنٛدٮ۪ن غٲر مُلکی دورَن ہُنٛد پوٗرٕ پٲٹھۍ چھان بیٖن یِیِنۍ اکہِ مرکٔزی ایجنسی دٔسۍ کرنہٕ تہٕ یقیٖنی بناونہٕ زِ پنجٲبۍ عوام ما چُھ گمراہ کرنہٕ یِوان یا ما چُھکھ دھوکہٕ دِنہٕ یِوان۔